Komeleya Rojnamegeran a Dicle Firat: Di meha Çile de 46 rojnamevan hatin darizandin

Desthilatdariya Erdogan li Tirkiyê azadiya ragihandinê nehiştiye.
Komeleya Rojnamegeran a Dîcle Firat’ê rapora binpekirina mafên rojnamegeran a meha Çile eşkere kir. Komeleyê diyar kir ku di meha Çile de li Tirkiyê 4 rojnameger hatin binçavkirin, rojnamegerek hat girtin û 46 rojnameger jî hatin darizandin.

Li Tirkiyê ji ber faşîzma desthilata AKP-MHP’ê azadiya ragihandinê nemaye û roj bi roj zext û êrîşên li ser rojnamegeran jî zêde dibin.

Desthilatdariya Erdogan piraniya ragihadina dijberê xwe bi girtin û zextan ve bêbandor kir hin sazî jî girtin.

Lê ragihandina azad tevî girtin û binçavkirinan jî xebatên xwe didomîne û li hemberê êrîşan li ber xwe dide.

Komeleya Rojnamegeran a Dîcle Firatê derbarê binpêkirina mafên rojnamegeran li Tirkiyê rapora meha çile eşkere kir.

Komeleyê diyar kir ku ji ber zext û girtina zêde ya li dijî rojnamevanan ew ji neçarî her meh raporê parvedikin.

Komeleyê dazanîn ku desthilatdariya Tirkiyê sazî û rojnemevanê ku propangandaya wan nakin weke terorîst pênase dike û got:

“Yên derdikevin derveyî sînorê wan dibin hedefa desthilatê û wekî “terorist” tên îlankirin.

Rojnameger ne ew kesên ku propaganda ji desthilatê re dike ye. Ew kesê ku her tim rastiyan dinivîse û gel ronî dike ye.

Divê desthilatdarî êdî vê yekê fam bike û dest ji gotinên xwe yên rojnamegeran dike hedef berde.”

Komeleyê diyar kir ku ti zext wê nikaribe rastiya ji holê rake û ewê di her şert û mercê de xebatên xwe yên ronîkirina rastiyan û rojnamegeriyê bidomînin.

Komeleya Rojnamegeran a Dicle Firatê binpêkirinên di meha çile de ku pêk hatine wiha rêz kir.

4 rojnameger hatin binçavkirin, rojnamegerek hat girtin, 11 rojnameger rastî êrîşê hatin û xebatê wan hate astenkirin.

Derbarê 8 rojnamegeran de lêpirsîn hat vekirin.

5 rojnameger bi 12 sal û 4 meh û 12 rojan hatin cezakirin.

46 rojnameger hatin darizandin.

Saziya Ragihandiê ya Tirkiyê 2 saziyên çapemeniyê ceza kir.

88 rojnameger heta niha girtîne.

Dewleta Tirk di mijara azadiya ragihandinê de di nav 180 welatan de di rêza 154’an de ye.

Back to top button