Parlamanterkî Katalanî: Hikûmeta me her wê piştgiriya gelê Kurd bike

Parlamanterekî Katalanî, siyaseta derve ya Ewropa ya têkildarî sûcên dewleta Tirk li Rojava û Bakur û Rojhilatê Sûrî rexne kir.

Parlamanter û berdevkê Têkiliyên Derve yê Partiya “Bi hev re ji bo Katalonyayê” Fransxesc de Dalmas got:

“Nebûna siyaseteke derve ya YE, ku xwe bispêre rêgezên demokrasiyê û geşkirina mafên mirovan, bandoreke neyênî li sûcên dewleta Tirk ên li herêmê pêk tîne, dike.”

De Dalmas anî ziman ku hikumeta Katalonyayê her û her tunekirina demokratiya Tirkî şermezar dike, her wiha parastina tevgerên Kurdî jî dewam dike.

Parlamenterê Katalanî destnîşan kir ku Rojavayê Kurdistanê, xwedî derfet û zanîn e û dikare li herêmê bibe minareya demokrasî û mafên mirovan.

Hêjayî bibîrxistinê ye ku, parlamanterê Katalonî 2015’an serdana herêmê kir û bi çavên xwe pêşketin û êrîşên li ser herêmê berdewam dît.

Back to top button