Polîsên Tirk parlemendterê HDP Omer Farûk Gergelîoglû binçav kir

Polîsên Tirk duh êvarê bi ser mala parlementerê HDPê Omer Farûk Gergerlîoglû de girtin û ew bin çav kir. Ji ber nexweşiya dil û singê xwe, îro li nexweşxaneyê anjiyo bû. Kurê Farûq Gergerlîoglû diyar kir ku bavê wî ji nexweşxaneyê hate revandin û ew birin girtîgeha bajarê Sîn-canê.

Deh rojên ji ber zelalbûna cezayê Parlementerê HDP’ê Omer Farûk Gergerlîoglû hatibû dayîn qediya.

Gergerlîgolû diyar kir ku ew ê teslîm nebe û li mala xwe be, polîsên Tirk duh çûn mala wî û ew li malê bin çav kir.

Parlamenterê HDP”ê yê Kocaelî Omer Farûk Gergerlîoglû ku parlementeriya wî hatibû betalkirin, ji ber cezayê lê hatiye birîn hat binçavkirin.

Kurê Gergerlîoglû Salîh bi peyamekê got:

“Rezaleta xwe nû kirin. Rê neda ku pêlavên xwe jî bixe lingê xwe, derxistin birin.”

Polîsan Gergerlîoglû bir Edliyeya Enqereyê, piştî biryara girtinê radestî destê Gergerlîoglû bê kirin, ê wî bibin girtîgehê.

Salîh Gergerlîgolû li ser lezûbez derxistina bavê xwe jî ‘Wêneyê Zordariyê’ parve kir.

Gergerlîoglû dema ku polîs li ber derê malê ji bo girtina wî hatibûn, tevlî weşanek zindî bû û got:

“Ev zilm wê rojekê teqez bi dawî bibe. Niha bila bê zanîn ku hêviyên aştiyê yên vî welatî tên tinekirin.

Ji ber ku me tiştên rast gotin, wekîlên gelê xwe bûn tên cezakirin. Min rûmeta vî gelî li bin lingan nedaye, nadim jî, wê têkoşîn bidome.

Rojekê ez ê teqez vegerim. Vengerim jî ez li girtîgehê jî bim, ez wekîlê gel im.

Ev çîrok wê li vir neqede, ev zilm wiha dom nake, soza min li meclîsê daye dubare dikim; Berxwedan jiyan e.”

Gergerlîoglû ji nexweşxaneyê hat revandin û birin girtîgeha sîncanê

Kurê Farûq Gergerlîoglû, Salih Gergerlioglû, li ser hesabê xwe yê Twîtterê derbarê rewşa bavê xwe de daxuyaniyek da.

Salih Gergerîoglû di parvekirina xwe de wiha got,

“Bavê min li nexweşxaneyê ye. Ji ber êşa dil û singê xwe diviyabû bê anjiyo kirin. Bavê min anjiyo bû. Ji ber ku tansiyona wî bilind bû, rakirin beşa lênirîna awarte. Îro wê dibin çavderiyê de bimîne. Rewşa wî başe.”

Paşê Salih Gergerlîoglû daxuyaniyeke din da û diyar kir ku bavê wî ji nexweşxaneyê hate revandin û birin Saziya Înfazê a Ceza ya bajarê Sîncanê.

Back to top button