Rêveberên saziyên Yekîtiya Ewropayê, ji bo têkiliyên aborî yên bi Serokomarê Tirk Erdogan re bi beşî dest pê bikin, şert û mercên yekîtiyê pêşkêş bikin û piştgiriya ji bo penaberên li Tirkiyê nîqaş bikin diçin Enqerê.
Serokê Konseya Ewropayê yê Belçîkî Charles Mîchel û Seroka Komîsyona Ewropayê ya Alman Ûrsûla von der Leyen wê serdana Enqereyê bikin.
Nûnerê welatekî endamê YE ji AFP’ê re axivî û diyar kir ku di destê rêveberên Ewropî de yên biçin Enqereyê ‘nexşerêyek’ heye.
Nûnerê ku navê xwe diyar nekir, anî ziman ku ev nexşeya rê biryara di civîna bilind a Yekîtiya Ewropayê de a 26’ê Adarê hatiye wergirtin.
Nûner got, “Rewatiyeke bi vî rengî ya siyasî heye.”
Heman rayedarî diyar kir ku hevdîtinên roja Sêşemê yên li Enqereyê wê bibe “kêliyeke gelekî siyasî” lê belê “danûstandin wê nebe.”
Dîplomatê Ewropî diyar kir ku ev hevdîtin wê gelekî ji nêz ve bê şopandin.
