Şêx û rûspiyên qebîleta Fed’an bi amadebûna hin rayedarên Girê Spî der barê êrîşên dewleta Tirk ên li ser herêmê de, li Eyn Îsayê civiyan.
Hevserokê Nivîsgeha Têkiliyan a PYD’ê ya Girê Spî Mistefa Muslim di civînê de da xuyakirin ku destkeftiyên şoreşa Bakur û Rojhilatê Sûriyê, bi hevgirtin û şopandina xeta neteweya demokratîk hatine bidestxistin.
Mistefa Muslim li dijî êrîşên Tirkiyê banga hevgirtin û yekîtiyê li gelên herêmê kir.
Berdevkê Fermî yê Meclisa Şêwirî ya Qebîleya Fed’an Teysîr El-Efat jî di vê derbarê de anî ziman, ew ê digel rêveberiya herêmê koordîneyê bikin.
Her wiha, Teysîr El-Efat êrîşên dewleta Tirk a dagirker li ser herêmê şermezar û red kir.
Ev civîn ji bo qebîle û herêmê û ji bo biratiya gelan e.
Em li vir in da ku bi rêveberiya heyî ya li herêmê re, hevahengiyê bikin.
Em ê li ser êrîşên li dijî herêmê nîqaş bikin, ji ber ku rewşa me hemûyan eleqedar dike.
Em êrîşên dewleta Tirk an çi dewleteke din li ser herêmên me red dikin.