Şandeyeke KNK’ê serdana Yekîtiya Parlamenteran a Başûrê Kurdistanê kir û li ser kar û xebatên hevbeş nîqaşkirin.
Şandeyeke Kongreya Netewî ya Kurdistanê (KNK) bi serokatiya hevseroka KNK’ê Zeyneb Murad serdana Yekîtiya Parlamenteran a Başûrê Kurdistanê kir.
Şande bi endam û rêveberên Yekîtiya Parlamenteran re civiyan.
Piştî civînê daxuyaniyek hate dayîn.
Endamê Yekîtiya Parlamenteran Kerîm Behrî diyar kir ku helwesta wan û ya KNK’ê nêzî hev e û ew ê bi hev re hewl bidin pirsgirêkên navbera aliyên siyasî yên Kurd çareser bikin.
Hevseroka KNK’ê Zeyneb Murad jî anî ziman ku bi Yekîtiya Parlamenteran re ezmûnek wan ya dema borî heye û dixwazin karên baştir bikin.
Zeyneb Murad: Em ê ji bo parastina berjewendiyên gelê Kurd bixebitin
Zeyneb Murad diyar kir ku ew ê ji bo parastina berjewendiyên gelê Kurd hemû hewldanan bikin.
