Hevpeymaniya Erebî droneke ku Hûsiyan ber bi bajarê Xemîs Mişêtê yê Siûdiyê ve avêtibû, rûxand.
Hevpeymaniyê teqez kir ku çekdarên Hûsî hewldanên armanckirina sivîlan didomînin.
Berî vê jî koma “Ensarullah” a Hûsî baregeha Melik Xalid a asîmanî ya li Siûdiyê bi 2 dronan armanc kiribû.
Wezareta Parastinê ya Yemenî jî ji aliyê xwe da xuyakirin ku li parêzgeha Meribê ji koma navborî, bi dehan di bombebaranên Hevpeymaniyê de hatin kuştin û birîndarkirin.
DYA: Joe Biden û Kongress li ser çareserkirina hevrikiyê li hev kiriye
Hemwextî bangên navdewletî ji bo ragihandina agirberstê, Wezareta Derve ya Amerîkayê got ku Joe Biden û Kongress li ser pêwîstiya çareserkirina hevrikiya li Yemenê li hev kiriye.