Di çalakiyên gerîlayên HPG û YJA Starê li herêma Heftenîn û Metînayê de, herî kêm 4 leşkerên dewleta Tirk a dagirker hatin kuştin.
Navenda Ragihandin û Çapemeniyê ya HPG’ê bi daxuyaniyeke nivîskî li ser çalakiyan di çarçoveya Pêngava Şoreşger a Cenga Xabûrê de ev agahî parve kir:
5’ê Hezîranê gerîlayan li Girê Sîser ê qada Geliyê Pisaxa ya Heftanînê 2 çalakiyên sabotajê pêk anîne.
Kontrayê binavê Şahîn hate kuştin û hinek jî birîndar bûn.
Heman rojê gerîlayan li Girê Koordîne ya Metînayê xwe bera nav dagirkeran da.
Di encama şerê rûdayî de, 3 leşker hatin kuştin.
6’ê Hezîranê gerîlayan li dijî dagirkerên li Girê Zendûra ya Metînayê çalakî pêk anîn.
Derb li çepera dagirkeran hatexistin, lê têkildarî kuştî û birîndaran agahiyên zelal ne hatin bidestxistin.
HPG’ê ragihand ku artêşa Tirk ya ku di bejahiyê de encamên dixwaze nikare bidest bixe, 5-6’ê Hezîranê herêmên Metîna, Avaşîn û Zap bombebaran kir.
HPG’ê dazanîn ku di van êrîşan de ti ziyan li hêzên wan nebûne.