Hevserokê Şaredariya Qersê Ayhan Bîlgen jî di nav de 4 kesên ku bi doza Kobanê dihatin darizandin hatin berdan.
Rûniştina 3’yemîn a Doza Kobanê duh di roja duyemîn de li 22’yemîn Dadgeha Cezayê Giran a Enqereyê pêk hat.
108 siyastemedarên kurd bi hinceta dema êrîşa DAIŞ’ê ya li ser Kobanê de beşdarî çalakiyan bûne tên darizandin.
Siyasetmedarên kurd Ayhan Bilgen, Berfîn Ozgu Kose, Can Memîş û Cîhan Erdal parastina xwe kirin û îda red kirin.
Dadgehê bi şertê kontrola edlî derbarê 4 siyasetmedaran de biryara berdanê da.
Piştî biryarê 4 siyasetmedarên kurd di saetên êvarê de hatin berdan û ji aliyê HDP’iyan ve hatin pêşwazîkirin.