Hikûmeta Iraqê li ser daxwaza Dewleta Tirk a dagirker û PDK’ê beramberî berdana Ava çemê Dîcle dixwaze kampa penaberan a Mexmûrê dorpêç bike
Lê şêniyên Wargeha Mexmûrê çawa 30 salin li ber xwe didin vê carê jî bi biryardarî rêya berxwedanê hilbijartine.
Wargeha Penaberan a Şehîd Rûstem Cûdî (Mexmûr) li qontara çiyayê Qereçox a di nava sînorên navçeya Mexmûr a girêdayî parêzgeha Musilê de ye.
Şêniyên ku vê waregehê dimînin di sala 1994’an de ji ber êriş, zilm û zordariya dewleta Tirk a dagirker koçberî vê deverê bûn.
Şêniyên wargehê beriya bigîhîjin wargeha mexmûrê bi rêzê li wargehên Bihêrê, Şeraniş, Bêrsîvê, Geliyê Qiyametê, Etrûş, Nînova û Nehdaran mane.
Di van wargehan de ji bilî êşên mezin ên jiyanê ku gelek zarok, pîr û jinan jiyana xwe ji dest dan, panaber bi gelek êrişan re jî rû bi rû man.
Êriş jî hemû ji aliyê PDK’ê û dewleta Tirk ve pêkhatin.
Lê xelkê Mexmûrê ji bo parastina keramet û rûmeta xwe, serî li ber dewleta Tirk û PDK’ê ne tewand.
Ev rastiyeke, rêveberiya Başûrê Kurdistanê cih neda xelkê wargehê, ji ber wê jî li quntara çiyayê Mexmûrê hate bicihkirin.
Û şûna Kurdan, Sedam Hisên cih da xelkê Mexmûrê!
Ji wê roja li Mexmûrê bicihbûne heya niha, xelkê Mexmûrê tevî hemû bê derfetiyan ber xwe da.
Niha li wargehê nêzî 12 hezar welatiyên ji Bakurê Kurdistanê hene.
Li dijî wargeha Şehîd Rûstem Cûdî ya Mexmûrê pilana qirêj a PDK’ê dewleta Tirk û Hikûmeta Iraqê tucarî ranewestiya..
Di sala 2014’an de bi destê DAIŞ’ê xwestin kampê valabikin, lê ev gelê berxwedêr him xwe parast him jî ji Hewlêrê re bû martal û nehişt DAIŞ bikeve hewlêrê.
Lê PDK wekî her carî xiyaneta xwe dubare kir û li ser daxwaza Tirkiyê 17’ê Tîrmeha 2019’an de ambargo danî li ser wargehê û heta îro ev ambargo didome.
Şêniyên wargehê ji ber ambargoyê êdî nema dikarin biçin Hewlêrê û berê xwe didin Musulê.
Piştî Ambargoyê dewleta Tirk a dagirker jî bi hewayî de dehan caran wargeh bombebaran kir û bi dehan welatiyên kampê şehîd ketin û birîndar bûn.
PDK bi ambargoyê, Dewleta Tirk di hewayê de, çeteyên DAIŞ’ê jî bejahî de êriş dikin û bi van êrişan dixwazin şêniyên wargehê bidin koçberkirin.
Lê ev planên wan ji aliyê gelên berxwedêr ê wargehê de hate têkbirin
Lê AKP û PDK vê carê dixwazin bi destê hikûmeta Iraqê bixin qurbanê planên aborî û siyasî.
Bi salane ji ber ku dewleta Tirk para avê ya Iraqê bernade, li Iraqê hişkesalî çêbûye û ev rêje her roja diçe zêde dibe.
Iraq ku di qeyranek siyasî deye, nikare di warê aborî û bazirganiyê de bersiva Tirkiyeyê bide.
Vê carê Tirkiye zextê li Iraqê dike da ku wargeha Mexmûrê belav bike. Yek ji şertên av berdanê belavkirina wargeha Mexmûrê ye.
Ger Mexmûr hate têlkirin erdogan bê guman wê vê yekê ji bo hilbijartina 28’ê mehê jî bikarbîne.
Hêzên Iraqê jî li ser daxwaza Tirkiyê û PDK’ê ji doh ve dixwaze wargehê dorpêç bike, wê gelî dîl bigre.
Lê gelê berxwedêr ê Wargehê ku ti carî teslîmiyet qebûl nekiriye wê neke.
Berdêl çi dibe bila bibe.
Şêniyên Mexmûrê: Heya yek ji me hebe emê nehêlin dora me bê têl kirin
https://youtu.be/Tf0gw2eWdvw
