Fermandariya Giştî ya hêzên QSD’ê bi şandeyek ku ji şêx û rûspiyên Kurd ên ji gelek bajarên Kurd yên herêma Bakur û Rojhilatê Sûriyê pêk dihat, re civiya.
Di civînê de rewşa giştî ya herêmê hat nirxandin û bal hat kişand li ser rewşa dawî bi taybet li Dêra Zorê ji aliyê leşkerî û siyasî ve.
Nûnerên Kurd li ser aktîvkirin û piştgirîkirina diyaloga Kurdî-Kurdî di navbera aliyên cuda yên Kurdî de, gotûbêj kirin.
Di çarçoveya rêze hevdîtinên xwe yên bi çalakiyên civakî û gel re; Fermandarê Hêzên QSD’ê Mezlûm Ebdî, bi şandeyek ku ji şêx û rûspiyên kurd ên bajarên kurdî yên Bakur û Rojhilatê Sûriyê pêk dihat re civiya.
Armanc ji civînê nirxandina rastî û şert û mercên herêmê û guhdarîkirina li daxwazên şêx û rûspiyên kurd bû.
Di civînê de endamê Fermandariya Giştî ya Hêzên Sûriyeya Demokratîk Mehmûd Berxwedan û fermandara YPJ’ê Rohlat Efrîn jî amade bûn.
Di nava şandeyê de nûnerên eşîrên Qamişlo, Tirbespiyê, Rimêlan, Girkê Legê, Dêrik, Hesekê, Çil Axa, Til Temir û Çiyayê Kezwanan hebûn.
Di civînê de rewşa dawî ya li Dêra Zorê ji aliyê leşkerî û siyasî ve hat nirxandin
Fermandariya Giştî rewşa giştî ya herêmê nirxand û bal kişand li ser rewşa dawî bi taybet li Dêra Zorê ji aliyê leşkerî û siyasî ve.
Her wiha pirsgirêkên xizmetguzarî û civakî ku rasterast şêniyên herêmê eleqedar dikin hatin gotûbêjkirin.
Beşdarên civînê tekezî li ser giringiya van civînan ji bo bihêzkirina peywendiya di navbera QSD’ê û gel de, kirin.
Nûnerên Kurd li ser aktîvkirin û piştgirîkirina diyaloga Kurdî-Kurdî gotûbêj kirin
Beşdaran bal kişandin ser girîngiya vegera şêniyên herêmên dagirkirî, Girê Spî, Serê Kaniyê û Efrînê bo herêmên xwe.
Nûnerên Kurd li ser aktîvkirin û piştgirîkirina diyaloga Kurdî-Kurdî di navbera aliyên cuda yên Kurdî de, ji bo parastina hevgirtin, yekîtî û aramiyê li Bakur û Rojhilatê Sûriyê, gotûbêj kirin.
Fermandariya giştî soz da ku daxwaziyên beşdaran bigihîne dezgehên pêwendîdar
Fermandariya giştî li daxwazên beşdaran guhdarî kir û soz da ku daxwaziyên wan bigihîne dezgehên pêwendîdar û diyar kir ku ew dê bi baldarî çavdêriya bicîh anîna wan bikin.
Her wiha Fermandariya Giştî ya QSD’ê tekezî li ser rola girîng a rûspî û şêxên eşîran yên Kurdî bihêzkirina pêwendiya di navbera QSD’ê û xelkê deverê de kir.
Fermandariya Giştî ya QSD’ê destnîşan kir ku ji bo bidestxistina berjewendiyên hemû gelên herêmê ev hevdîtin dê berdewam bin.
