Hevseroka Konseya Rêveber a KCK’ê Besê Hozat dazanîn ku bi koordîneya Tirkiyê, Amerîka Îsraîl û Brîtanya bi destê çeteyên HTŞ û yên tirkiyê dixwazin projeya xwe ya herêmê pêkbînin û bang li hemû pêkhateyên Bakûr û Rojhilatê Sûrî di çarçoveya şerê gel ê şoreşgerî de axa xwe biparêzin.
Hevseroka Konseya Rêveber a KCK’ê Besê Hozat mijarên di rojevê de taybet jî şerê cîhanê sêyemîn ku niha Sûriye bûye navenda wî ji televîzyona Medya Haberê nirxand
Besê Hozat dazanîn ku şerê ku niha li Sûriyê diqewime bi koordîneya dewleta tirk pêktê û got:
“Generalên Tirk bi DAIŞ’ê re li ser esasê êrîşa li ser Bakur û Rojhilatê Sûriyeyê pêkbîne koordînasyona vê şerê dike.
Yên koordîne û şerê Helebê dikin generalên Tirk in.
Generalên Tirk niha bi fermandarên El Nûsra û fermandarên OSO’yê re li cihên din vî şerî dimeşînin.
Divê em nebêjin El Nûsra şer dike û çeteyên wê yên girêdayî Tirkiyeyê şer dikin.
Artêşa Tirk li Sûriyeyê şer dike.
Li dijî gelê Kurd û gelê Sûriyeyê şerekî mezin ê qirkirinê, şerê dagirkerî û îlhaqkirinê dimeşîne.
Polîtîkayên Neo-Osmaniyan êdî vekirî û eşkere pêk tîne.
Divê em vê bi zelalî bibînin.”
Besê Hozat: Îsraîl Îngîlîstan û Amerîka HTŞ ji bo armancên xwe bikartînin
Hevseroka KCKê diyarkir ku Îsraîl, Îngilistan û Amerîka HTŞ û El Nûsra perwerde kirin da ku planên xwe yên li Sûrî bi destê van çeteyan pêkbînin û ev nirxandin kir;
“El-Nusra li Idlibê ji aliyê Îsraîl, Îngilistan û DYE’yê ve hatibû perwerdekirin, bi çek kirin û amadekirin. Niha derket holê ku van tiştan bi zanebûn dikir.
Ji bo ku têkiliya dewleta Tirk û El Nûsra û plana El Nûsra û dewleta Tirk veşêre, xwest hedefê biguherîne.
Hem DYE, hem jî Îngilistan û Îsraîl li ser El Nûsra bi cidî dixebitin.
Li gorî berjewendiyên xwe dixwazin van çeteyan li dijî gelên Sûriyeyê bikar bînin. Diyar e ku planeke wiha heye.”
Besê Hozat: Di çarçoveya şerê gel ê şoreşgerî de em axa xwe biparêzin
Hevseroka Konseya Rêveber a KCK’ê Besê Hozat di dawî de li dijî êrişên qirkirinê ev bang kir:
“Pêwîste her kes li ser esasê seferberiyê tevbigere.
Bi taybet li Bakur û Rojhilatê Sûriyeyê divê gelê me li her derê li ser esasê Şerê Gel ê Şoreşgerî li ber xwe bidin.
Divê li kêleka hêzên QSD’ê be.
Divê YPG bi hêzên YPJ’ê re li çeperên berxwedanê şer bike û li ber xwe bide.
Di vê berxwedanê de divê her kesê ku dikare çekê bigire, 7 salî heta 70 salî cih bigire.
Divê hebûna xwe, azadiya xwe, welat û axa xwe biparêze. Divê tu carî xaka xwe terk neke.”
