Zindana Seydnaya li Efrînê hîn jî kirinên xwe li dijî mirovan pêk tîne.
Welatiyekî kurd di zindana Maratê de 42 rojan ma û rastî îşkenceyek hovane hat.
Laşê wî hat biraştin, neynûkên wî hatin rakirin û goştê wî ji hestiyên wî hat qutkirin.
M.S. bavê 3 zarokan e.
1’ê kanûnê ji aliyê çeteyên dewleta Tirk a dagirker ji ber ku nasnameya wî kurd e hate ravandin.
Welatiyê kurd 42 rojan di girtîgeha Maratê ya herî xirab a li Efrînê de ma û her cure îşkence lê hatin kirin.
Malbata M.S. ji tirsa ku çete tehdeyê li xizmên wan ên li Efrînê mane bike, nexwest navê wî were aşkerakirin.
‘Dema li quranê guhdarî dikirin, îşkence li me dikirin’
M.S. diyar kir ku çeteyan li ber dengê Quranê îşkence li wan dikirin.
Di dema ku dengê derî guhdar dike rûyê xwe vedişêre, dilerize û ji tirsan qîr dike.
M.S. diyar kir ku di rojekê de 150 carî bi qamçiyan lêdan xwariye û ser hişê xwe çûye ku hîna jî şopên li ser bedena wî xuya ne.
Niha jî wekî bedeneke bê rih û bê bîr e.
Lewra ji bilî çend ferdên malbatê her tişt ji bîr kiriye.
Bijîşk diyar kir ku ku beriya revandinê hin nexweşiyên demarî bi M.S. re hebûn û derman bi kar dianîn.
Malbatê piştrast kir ku cureyekî konvulsîyonê pê re çêdibe, lê ji ber çeteyan derman li ser wî qedexe kir, rewşa wî girantir bû û îşkenceya hovane jî bû sedem ku beşeke mezin ji bîra xwe ji dest bide.
Bijîşk da zanîn ku 4 diranên wî hatine şikandin, 9 tiliyên lingê wî hatine birîn, lêvên wî hatine qelişandin û bi kulman li rûyê wî hatiye xistin.
Bijîşkan diyar kir ku çeteyan, M.S. neçar kiriye ku li ser tiştek germ bisekine, lewre paniyên lingê wî di pileya 3’yan de şewitîne û goştê lingê wî bi amûra germ a li ser sekiniye, zeliqiye mîna ku bi saxî hatiye biraştin.
Ji bo her hebekê 500 hezar lîre xwestin
Çeteyan ji bo serbestberana M.S. 2 hezar dolarê amerîkî xwest, lê malbatê ji ber rewşa aborî ya xirab nikarî vî miqdarê pere peyda bike.
Der barê şandina dermanan de jî, çeteyan ji bo her hebekê 500 hezar lîre dixwestin.
