Rêvebera Buroya Lihevkirinê ya Kombûna Jinan a Zenûbiyayê Newal Cuma, destnîşan kir ku bi kampanyayên hişyariyê hewl didin xwekuştina jinan û bandorên neyînî yên ku dibin sedema perçebûna civakê, rawestînin.
Xwekuştin, yek ji bûyerên herî bi xeter e ku sedema wê perçebûna malbatan e û zirarê dide civakê.
Ji bo têkoşîna bi bûyerên xwekuştinê, komîteyên lihevkirinê yên girêdayî Kombûna Jinan a Zenûbiya yên li Kantona Reqayê, rêzeçalakiyên xwe zêde kirin.
Di nav van rêzeçalakiyan de kampanyayên vegotina encamên bûyerên xwekuştinê û balkişandina ser van bûyeran hene.
Rêvebera buroya Lihevkirinê ya Kombûna Jinan a Zenûbiya Nawal Cuma da zanîn ku ew zorî û pirgirêkên ku jin dijîn dişopînin û wiha domand:
“Di demên dawî de bi taybetî di navbera jinan de bûyerên xwekuştinê zêde bûne.
Li gorî salên berê, bûyerên xwekuştinê zêde bûne.
Nawal, destnîşan kir ku xwekuştin yek ji rêbazên şerê taybet ê li dijî jinan tê bikaranîn e û wiha berdewam kir:
“Sedsala 21’an, sedsala azadiya jinan e; sedsala serhildana jinan a li dijî koletiyê ye.
Jinan îmze avêt bin gelek destkeftiyan, êdî di civakê de roleke diyarker û girîng dilîzin.”
Nawal Cuma li ser sedemên ku jinan ber bi xwekuştinê ve dibin zewicandina zarokan e.
Newal destnîşan kir ku jin di van zewacan de nikarin pirsgirêkên ku dijîn ragirin û ev agahî dan:
“Dema ku hevberdanê dixwazin, dibêjin şerm e û wan asteng dikin.
Ji wan re dibêjin ji bo zarokên xwe divê tu tehemulê tundiyê bikî.
Ev yek jî di şûna çareseriyê de pirsgirêkan mezintir dike û jinan ber bi xwekuştinê ve dibe.”
Pirsgirêkên malbatê yên ku jin dijîn, şîdeta zayendî yan jî fizîkî; heqaret, lêdan, biçûkxistin, kolekirin, zoriyên ku di karên malê û xwedîkirina zarokan de dikşînin, dema ku dixebitin dahata wan, dibin sedema xwekuştinê.
Newal Cuma, li ser tedbîrên ku ji bo sînorkirina bûyerên xwekuştinê girtine ev agahî dan:
“Piştî bûyerên xwekuştinê me daxuyaniyên li ser xeter û encamên xwekuştinê dan.
Bi riya komîteya xwe, me li gundan û herêmên gundewar dest bi kampanyayên hişyar kir.
Me brûşorên li ser bandorên neyînî yên xwekuştinê li ser jinan û civakê belav kirin.
Bi vê yekê ew dikarin rewşa xwe biguherînin, koletiyê ji ser xwe rakin û xwe azad bikin.”
