Berdevka Meclîsa Jinan a Partiya Wekhevî û Demokrasiyê ya Gelan (DEM Partî) Halîde Turkoglu,li ser miharên rojane axivî û diyar kir ku divê komîsyona meclisê bi Rêber Abdullah Ocalan re bicive û divê “mafê wî yê hêviyê” tavilê were dayîn.
Berdevka Meclîsa Jinan a Partiya Wekhevî û Demokrasiyê ya Gelan (DEM Partî) Halîde Turkoglu, civînek çapemeniyê li dar xist.
Halîde Turkoglu diyar kir ku pirsgirêkên heyî pirsgirêkek sîstemîk in,û tekez kir ku sedema kuştinên jinan polîtîkayên serdest ên mêran in.
Halîde Türkoglu got, “Rastiya ku di meha Tebaxê de 28 kuştinên jinan hatine kirin û 25 jinan di bin şert û mercên gumanbar de jiyana xwe ji dest dane nîşana vê yekê ye.
Ev zêdebûna kuştinên jinan desthilatdariya siyasî aciz nake.
Berevajî vê, ew polîtîkayên ku dê zîhniyeta serdest a mêran a ku dibe sedema van kuştinan xurt bikin, dipejirînin.
Bi paşguhkirina giliyên jinên ku rastî tundiyê tên, rê li ber kuştinan vedikin.
Ji bilî ku hêzên ewlehiyê erka xwe pêk naynin siyaseta vê hikûmetê bûye parastina sûcên ku ji hêla hêzên ewlehiyê ve têne kirin veşêre.
Ew hewl didin ku kuştinên jinan bi polîtîkayên bêcehiştinê normal bikin û ew hewl didin ku sûcên li dijî jinan têne kirin rewa bikin.”
Halîde Turkoglu destnîşan kir ku ew ê li dijî van polîtîkayan têbikoşin û wiha bi lêv kir:
“Em ê bi hev re ji bo jiyanek bê tundî û îstismarê têbikoşin.
Bi berfirehkirina qadên têkoşîna xwe ya piralî, em ê van êrîşan rawestînin.
Bi pêşengiya Pêvajoya Aştî û Civaka Demokratîk, em ê jiyaneke nû ava bikin.”
Halîde Turkoglu bal kişand ser îhlalkirina mafên girtiyan ên li Girtîgeha Jinan a Sîncan û Girtîgeha Jinan a Bakirkoye:
“Me gelek caran diyar kiriye ku yekîneya ku di girtîgehan de bi navê Lijneya Rêveberî û Çavdêriyê hatiye avakirin û kesên di van yekîneyan de bi astengkirina berdanan sûc dikin.
Em bi zelalî dibêjin: ev kiryara keyfî sûcek li dijî mirovahiyê ye.
Wezîrê Dadê û saziyên rayedar bi bêdengiya xwe hevkarê vê sûc in.
Divê ev pêkanîn tavilê werin rawestandin û girtiyên siyasî yên ku divê werin berdan tavilê werin berdan.
Nêzîkatiya li hember girtiyên siyasî nêzîkatiya aştî û civaka demokratîk e.”
Halîde Turkoglu destnîşan kir ku pêvajoya ku Rêber Abdullah Ocalan daye destpêkirin dê ji bo pirsgirêkên heyî bibe çareserî û wiha bi dawî kir:
“Ji bo Birêz Ocalan bi komîsyona ku ji hêla meclîsê ve hatî avakirin hevdîtinê bike şert û merc bên amadekirin.
Divê ‘Mafê hêviyê’ bê sepandin.”
