4 girtîyên sîyasî ên Kurd li girtîgehên dewleta Tirk hatin qetilkirin

Di nava hefteyeke de, 4 girtîyên sîyasî ên Kurd li girtîgehên dewleta Tirk hatin qetilkirin.
Qûrbanîyê herî dawî girtîyê nexweş Salîh Togrûl ê 65 salî bû ku ji ber nedihat dermankirin, duh li girtîgeha Mêrsîn ê jîyana xwe ji dest da.
Têkildarî mijarê, HDP’ê dîyar kir ku ”Girtîgeh vegûherîye cihê mirinê û divê girtîyên nexweş tavilê bêne berdan.”

Dewleta Tirk a faşîst ku li her qadê dijmintiya li dijî gelê Kurd didomîne, bi sedan girtîyên nexweş jî bi mirinê re ru bi ru hiştîye.

Piştî Garîbe Gezer, Xelîl Guneş û Abdulrezzak Şûyûr, duh bi şev girtîyê nexweş ê 65 salî Salîh Togrûl jî li girtîgeha lê dima hat qetilkirin.

Girtiyê nexweş Salîh Togrûl jî hate qetilkirin

Di nava hefteyekê de hijmara girtîyên ku hatin qetilkirin, gihîşte 4’an….

Girtîgehên ku ji girtîyên sîyasî ên Kurd re bûye çala mirinê, êdî xeterîya ku her roj cenazeyên girtîyên nexweş jê derkevin pir zêde bûye.

Girtîyê ku bi nexweşîyên giran re tekoşînê dikin ji ber ku nayên dermankirin û şertên ku lê girtîne pir xirabe, Dewleta Tirk jî wan girtîyên nexweş bi mirinê re ru bi ru hiştîye.

Girtîyê ku herî dawî jîyana xwe ji dest da Salîh Togrûl bû.,

Ew jî wek hevalên xwe ên din ji ber nedihat dermankirin, jiyana xwe ji dest da.

Berdevka HDP’ê Ebrû Gunay: Girtîgeh vegûherîne cihên mirinê

Li ser mijarê Berdevka HDP’ê Ebrû Gunay civîna çapemenyê lidarxist.

Ebrû Gunay dîyar kir ku girtîgeh vegûherîne cihên mirinê û destnîşan kir ku girtîyên nexweş divê tavilê bêne berdan.

Ebrû Gunay bi bîr xist ku duh jî girtîyên nexweş Ebdulrezzak Şûyûr û Xelîl Guneş jî jîyana xwe ji dest dan û got:

”Mafê dermankirinê û tenduristîyê yê herdu girtîyên nexweş hate astengkirin, ji mirinê re hatin hiştin. Ya ku wezareta edaletê ferz dike mirin, zilm û îşkence ye.”

Berdevka HDP’ê Ebrû Gunay qetilkirina Garîbe Gezer jî bi bîr xis t û wiha domand:

”Garîbe hewil da bi nameyan dengê xwe bide bihîstin. Lê belê wezareta edaletê xwe ker, lal û kor kir û mohra xwe danî binê vê kuştinê ku weke xwe kuştinê nîşan da.

Ebrû Gunay: Dest ji vê kirin û hiqûqa xwe ya dijminatiyê berdin û girtiyên nexweş berdin

Dixwazim careke din bang li wezareta edaletê bikim: Dest ji vê kirin û hiqûqa dijminatîyê berde ku girtîgeh kirine cihê mirinê.

Divê Aysel Tûglûk û girtîyên nexweş hemû bêne berdan.

Back to top button