Ûkrayna ji welatên Rojava dixwaza zexta li ser Moskowê hînz zêdetir bike. Serokomarê Ûkrayna Zelensky bang li lîderên Ewropa kir û got, Cezayên nû li ser Rûsya ferz bikin. Li ser vê yekê Seroka Konseya YE Von der Leyen bi serokewezîrê Îtalan Dergahî re civiya û got; Em derbarê cezayên nû de dixebitin. Serokê Konseya YE Michel dibêje êrişa Rûsya çavê wan nû vekiriye.
Moskow tevî hemû zextên welatên Rojavayî ji êrişa xwe paş de gavê na avêje.
Serokomarê Ûkraynayê Volodymyr Zelensky diyar kir ku ji ber Rûsya dev ji planên xwe yên li ser welat bernedaye divê cezayên nû li ser werin sepandin.
Volodymyr Zelensky anî ziman ku têkiliyên wan yên bi serokên cîhanê re didomînin û wiha got: “Tezên me yên di têkiliyên bi hevkarên me re mantiqî, dadperwerî û rast in. Ger dagirkerî dewam bike û Rûsya dev ji planên xwe yên li dijî Ûkraynayê bernede, divê cezayên nû bên sepandin.”
Zelensky armanckirina hêzên Rûsya ji cihên sivîlan bi terorî binav kir û rewşa li Xarkîvê jî weke mînaka vê yekê nîşan da.
Serokomarê Ûkraynayê diyar kir ku hêzên leşkerî yên Ûkraynayê li dijî artêşa Rûsyayê li ber xwe didin û got, “moralê hêzên leşkerî yên Rûsyayê ketiye.”
Blinken: Ez bawer dikim ku wê Ûkrayna biser bikeve
Wezîrê Karên Derve yê DYA Antony Blinken jî piştevaniya xwe ya bo Kîevê dubare kir û got:
“Ger hefteyek, mehek an jî zêdetir bidome, ez bi wê pir bawerim ku wê di dawiyê de Ûkrayna biser bikeve.”
Ji YE bo Rûsya amadekariya cezayên nû
Seroka Komîsyona Yekîtiya Ewropayê (YE) Ursula von der Leyen got; ew li ser cezayên zêde yên li dijî Rûsyayê dixebitin.
Von der Leyen û Serokwezîrê Îtalyayê Mario Draghi beriya hevdîtina xwe ya dualî ya li Brukselê daxuyanî dan çapemeniyê.
Von der Leyen bal kişand ku ew ê geşedanên dawî yên li Ûkraynayê binirxînin û ev tişt anî ziman: “Em ê pakêta cezayên nû yên li dijî Rûsyayê nîqaş bikin. Divê em bandora cezyan zêde bikin.”
Michel: Şer çavê me vekir
Serokê Konseya Yekîtiya Ewropayê (YE) Charles Michel got, şerê Rûsya û Ûkraynayê çavên Ewropayê vekir.
Charles Michel ji rojnameya Zeit a Almanî re destnîşan kir ku şerê li Ûkraynayê bi zelalî diyar dike ku girêdayiya Ewropayê çi ne û got, “Divê em zêdetir li serweriya xwe veberhênan bikin. Vî şerî çavên me vekir.”
Michel bal kişand ku divê ji bo parastina Ewropayê zêdetir xerc bikin û da zanîn ku ewlekarî û aştiya Ewropayê di bin xeteriyê de ye.
