Serokomarê Ûkrayna Zelensky di berxwedana li dijî Rûsya de gav paşde neavêt. Zelensky li ofîsa serokatiyê ya li paytext Kîevê ji gel re axivî û got: Ez ê li Kîevê bibmênim. Xwe venaşêrim û ji kesê natirsim. Serokê Ûkrayna careke din anî ziman ku ew di danûstandinan de bi israrin.
Serokomarê Ûkrayna Volodymyr Zelensky ji destpêka şerê Rûsya û Ûkraynayê ve doh cara yekem li ser maseya xwe ya li ofîsa serokatiyê ji gel re axivî.
Volodymyr Zelensky di vîdeoya ku nêzî 9 deqîqe de, wiha got:
“Me digot roja duşemê rojeke dijwar e.
Li welatê me şer heye û niha ji bo me her roj duşem e.
Em di roja 12. a têkoşîna xwe, parastina xwe de ne.”
Zelensky: Wê ti nîşaneyek yê dijmin nemêne
Zelensky diyar kir ku her kes di nava parastinê de ye û ev tişt ziman:
“Her kes li cihê ku divê lê be. Ez li Kîevê me, ekîba min bi min re ye.”
Serokomarê Ûkrayna spasiyên xwe ji bo her kesê ku xwe û welatê xwe bi “qehremanî” parastiye kir û wiha got:
“Em dizanin ku kîna dijminê me bi bomberdûmanan li bajarên me namîne.
Ev kîn ne ya me ye.
Ji ber vê yekê şopa dijmin namîne, em ê her tiştî ji nûve ava bikin.
Bajarên ku ji aliyê dagirkeran ve hatine hilweşandin, emê ji bajarekî ji rêzê yê Rûsya xweşiktir bikin.”
Zelensky: Em di danustandinan de bi israrin
Volodymyr Zelensky îdia kir ku Rûsyayê soza xwe ya vekirina “korîdoreke mirovî” bi cih neaniye û tenê ji bo gulereşandinê ji medyayê re cihekî diyar vekiriye û wiha domand:
“Gera sêyemîn a hevdîtinan li Belarûsê pêk hat.
Ez dixwazim bibêjim ku ev gera sêyem û dawî ye lê em rastbêjin.
Ji ber vê yekê em ê biaxivin.
Heta em rêyekê bibînin ji gelê xwe re bibêjin ‘aştî bi vî rengî tê’ em ê di danûstandinan de israr bikin.”
Zelensky diyar kir ku ji bo 96 Ûkrayniyên ku di şer de hatine kuştin biryarnameya xelata dewletê îmze kiriye û wiha dawî li gotinên xwe anî:
“Ez ê niha tenê tiştekî bêjim.
Ez li Kîevê dimînim.
Ez xwe venaşêrim, ji kesî jî natirsim. ”
