Li rojhilatê Ukrayna şer êdî bi serkeftina Rûsya ber bi dawiyê ve diçe.
Rûsya ragihand ku bêtirî 900 leşkerên Ukrayna yên xwe radestî wan kirine, li girtîgehekî herêma Donetskê hatine bicihkirin.
Kremlînê diyar kir ku rewş di bin kontrola wan de ye.
Li ser mijarê heta niha ji rêveberiya Kîevê ti daxuyaniyek ne hatiye dayîn.
86 rojên şerê Rûsya yê li Ukraynayê jî ber bi dawiyê ve diçe.
Rêberê cudaxwazên Ukraynayê yên alîgirê Rûsyayê Denis Puşilin ji ajansa Îtar Tass a Rûsyayê re ragihand ku bêtirî nîvê leşkerên Ukraynayê yên li kargeha Azovstal a Mariupolê hatine derxistin.
Karbidestên Ukrayna û Rûsî di derbarê hejmara leşkerên ku ji kargehê derketin de hesabên wan ên cuda hene.
Ji ber wê yekê heta niha jimara wan leşkerên Ukrayna yên li kargehê nehatine zelalkirin.
Wezareta Parastinê ya Rûsyayê jî wêneyên leşkerên ji kargehê hatin derxistin belav kir.
Di çarçoveya peymana bi Rûsyayê re Ukraynayê ferman dabû leşkerên xwe yên li bajar xwe radest bikin.
Hate ragihand ku xwarin û ava bi sedan leşkerên li kargeha Azovstal ya Mariupolê kêm maye.
Berdevka Wezareta Karên Derve ya Rûsya Mariya Zexerova doh bi daxuyaniyekê ragihadibû ku 954 leşkerên Ukrayna xwe radest kirine.
Zaxarova anîbû ziman ku ji leşkerên xwe radest kirine, 51 birîndar bûn.
Li gorî daxuyaniya ji aliyê Wezareta Parastinê ya Ukraynayê ve hatiye kirin hate ragihandin ku ji bo kesên ev kes li malbatên xwe vegerin, ew ê hemû hewildanên xwe bikin.
Berdevkê Kremlînê Dmitriy Peskov ku li Moskowayê daxuyanî da, bersiv neda pirsên ka wê leşkerên Ukraynayê dîlên şer bên hesibandin an jî “sûcdar”.
Di vê rewşê de, pêşdîtinên li ser çarenûsa leşkerên hatine girtin zehmet dibe.
Ukrayna: 28,500 leşkerên Rûsya hatine kuştin
Serfermandariya Ukraynayê jî ji aliyê xwe ve bîlançoya şerê li welat eşkere kir.
Li gorî vê;
28 hezar û 500 leşkerên Rûsya hatine kuştin.
203 balafir, 167 helîkopter û 1254 tankên Rûsya jî hatine bêkêrkirin.
