Ukrayna ji rewşa zehmetiyên Rûsya yên li rojhilatê welat dixwaze sûdê bigre.
Ji ber vê yekê jî bi hemû hêza xwe êrişa dijber ku dayîn despêkirin didomînin.
Serokomarê Ukrayna Zelensky got;
Wê têkoşîna ji bo vegerandina herêmên Rûsya ew dagir kirine kêm nebe.
Serokê Amerîka Biden jî dibêje Rûsya bi rêya armanckirina binesaziyan dixwaza Ukrayniyan bêzar bike.
Hêzên Ukrayna her ku di herêmên kontrolkirina rojhilatê welat de pêş dikevin, rastî karastên mezin tên.
Dîtina gora komî ya li bajarê Îzyumê weke bombeyekê ket rojeva cîhanê.
Lê tevî vê yekê, hêzên Ukrayna pêşdeçûna xwe dewma dikin.
Serokomarê Ukrayna Volodymyr Zelensky diyar kir ku leşkerên wan ber bi rojhilatê çemê Oskilê ve bi pêş ve diçin.
Zelensky da zanîn ku êrîşên li ser leşkerên Rûsyayê wê bê ku leza wan kêm bibe bidomin û got,
“Dibe ku hinek ji we bifikirin ku piştî rêze serketinan em niha hêdî hêdî dimeşin.
Amadekariyên me yên ji bo êrîşa dijberî ya din jî dewam dikin.
Şerê me wê heta Ukrayna azad e dewam bike.”
Di êrîşa dijber a ku ji aliyê Ukraynayê ve li herêma Xarkov a li bakurê rojhilatê welêt hat destpêkirin, derbaskirina çemê Oskil bo Kîev wekî “serkeftinek girîng” a stratejîk tê dîtin.
Ev çem ber bi Luhansk ya ku yek ji du bajarên herî mezin ya Donbasê ye diherike.
Herêma Donbas, bi wateyeke din, “dilê” pîşesaziya Ukraynayê ye.
Di vê navberê de, artêşa Ukraynayê li ser platforma xwe ya medyaya civakî Telegramê nivîsî ku hêzên wan leşkerên Rûsyayê yên li derdora Oskilê paşve xistine weşand.
Waliyê Herêma Luhanskê Serhiy Gaidai jî di daxuyaniya xwe ya li ser medyaya civakî da wiha got,
“Herêma Luhanskê li kêleka wê ye, ne dûr e ku ji dagirkeriyê xilas bibe.”
Biden: Rûsya bi armanckirina binesaziya bajaran dixwaze Ukrayniyan bêzar bike
Serokê Amerîkayê Joe Biden di daxuyaniyekê de bo kanala CBS ragihand ku serketina bibiryar ya Ukraynayê tê wateya vegerandina hemû axan û soz da ku piştevaniya welatê wî bo Kiyevê wê dewam be.
https://www.ruptly.tv/en/videos/20220915-008-DPR-Wagner-private-military-with-mobile-artillery-on-combat-operations-in-Kodem-towards-Bakhmut
Di vê navberê de, Wezareta Parastinê ya Brîtanyayê ragihand, leşkerên Rûsyayê yên ku li eniyê li hember leşkerên Ukraynayê şikestin, êrîşên xwe li ser navendên binesaziya sivîl zêde kirin.
Di daxuyaniyê de hat destnîşankirin ku bi vê yekê leşkerên Rûsyayê hewl didin morala gelê Ukraynayê daxînin.
