Li Perû rewşa aloze.
Wezîrê Parastinê ya Perû Alberto Otarola, ji ber xwepêşandanên tundiyê yên li welat rewşa awerte bo 30 rojan ragihand.
Serdozgeriya Komarê ya Perûyê daxwaz kir ku Castilloyê ku niha girtî ye û bi “serhildan”ê tê sûcdarkirin, 18 meh di girtîgehê de bê girtin.
Li Perûyê ji 7’ê Kanûnê ve rewşa li welat aloz e.
Ji ber xwepêşanên ku piştî ji kar avêtina Serokdewletê berê Pedro Castillo derketin, li seranserê welêt rewşa awarte hat ragihandin.
Wezîrê Parastinê yê Perû Alberto Otarola ragihand ku ji ber protestoyên tund ên bi rojan li seranserê welêt bo 30 rojan rewşa awarte hatiye ragihandin û biryarnameya fermî wê di demek nêz de were ragihandin.
Duşema borî ji ber xwepêşandanên alîgirên Castillo li başûrê welêt rewşa awarte hatibû ragihandin.
Ji bo Castillo 18 meh daxwaza girtinê tê kirin
Serdozgeriya Giştî ya Perûyê daxwaz kir ku Castilloyê ku niha girtî ye û bi “serhildanê” tê sûcdarkirin, 18 meh di girtîgehê de bê girtin.
Dadgeh wê li ser vê daxwaza Serdozgeriya Komarê di rûniştina ku sibê bê dîtin de binirxîne.
Hilbijartina pêşwext dibe kanûna 2023’an pêk were
Yekemîn Seroka Jin a welêt, Dina Boluarte, işaret bi wê yekê kir ku hilbijartina pêşwext ên ku tê plankirin li welêt bên kirin, li şûna Nîsana 2024’an dibe ku di Kanûna 2023’an de pêk were.
Boluarte diyar kir ku piştî hevdîtina bi Konseya Dewletê re dibe ku hin amadekarî bên kirin û di Kanûna 2023’an de hilbijartin bê kirin.
Boluarte: Ez ji we daxwaz dikim ku aram bin
Boluarte ji ber protestoyên ku alîgirên Castillo ji hefteya borî ve bi daxwaza hilbijartinên pêşwext li dar dixin, ji welatiyan re axivî û got:
“Hilbijartinên pêşwext ji aliyê teknîkî ve beriya Kanûna 2023’an ne pêkan e.
Di encamê de, Perûyên baş, xwişk û birayên baş, divê em di nav destûr û di çarçoveya qanûnî de tevbigerin.
Bi gelemperî, ez ji Perû daxwaz dikim ku aram bimîne.
Hikûmeta me ji destpêkê ve gotiye ku ew ê ji diyalogê re vekirî bin.”
Li Perû heta niha 7 xwepêşandêr hatine kuştin
Di xwepêşandanên ku bêtirî hefteyekê ye li welat pêk tên de, 7 kes hatine kuştin û 168 jî birîndar bûne.
