QSD’ê ji bo parastina ewlehî û aramiya herêmê her dem li pey sîxûr û şaneyên terorîste.. Her dawî QSD’ê 2 sixurên ku ji bo MIT’a Tirk dixebitîn girtin…. Sîxûrên ku hatine girtin di berdêla zanyarên li ser nuqteyên leşkerî, Fermandarên Leşkerî û navendên Rêveberiya Xweser pere werdigirtin.
Hêzên Sûriya Demokratîk QSD’ê di çarşoveya erkên xwe yên leşkerî û ewlekarî de, xebatên ji bo şopandina şaneyên terorîst û pûçkirina torên sîxuriyê dewam dikin.
Herî dawî Hêzên Taybet ên QSD’ê 2 ajanên Îstixbaratî yên Mîta Tirk a dagirker ku li herêmê dixebitîn girtin.
Sîxûrên ku hatine girtin destê wan di şehadeta gelek şervanên leşkerî de hene..
Di lêpirsînê de her du çete li xwe mukir hatin ku wan agahî û koordînatên cihên leşkerî yên li Til Temir, Zirgan, Amûdê û Dirbêsiyê dane Mîtê..
Piştî ku sîxuran agahî didan, balafirên bêmirov ên dewleta Tirk a dagirker herêmên navborî bombebaran dikirin û di encamê de hejmarek ji şervanan şehîd bûn.
Ne tenê ev, van sîxuran çûn û hatina hinek Fermandarên QSD’ê û nasnameyên wan dane MIT a Tirk.
Yek ji wan jî Fermandar Rêzan Gulo ku di dawiya sala borî de ji aliyê balafireke dewleta Tirk ve hatibû armackirin..
Sîxûrê bi navê Îlyas Muhemmed El-Rahîl di sala 1997’an de li Dirbêsiyê ji dayîk bûye..
Îlyas El-Rahîl li xwe mukir hat ku wêne û koodînatên bi dehan cihên leşkerî û xizmetguzariyê dane Mîtê.
Koordînatên ku ji aliyê sîxur Îlyas ve dihatin dayîn, gelek ji wan cihan ji aliyê dewleta Tirk ve hatine bombebarankirin.
El-Rahîl di lêpirsînê de eşkere kir ku ew çûye Tirkiyê û bi endamên Mît’ê re hevdîtin kiriye û li hemberî pereyan hevkarî pêşkêşî wan kiriye
Her wiha EL-Rehîl li xwe mikur hat ku wî tevgera hevserokê Saziya Malbatên Şehîdan Rêzan Gulo şopandiye û bi MIT`a Tirk re parve kiriye.
Sîxûrê bi navê Hemîd Xelîl El-Ehmed jî di sala 1998an de li gundê Xerezê yê Amûdê ji dayik bûye.
Çete Hemîd El-Ehmed eşker kir ku wî zanyariyên li ser nuqteyên leşkerî dane Mîtê.
Yek ji wan nuqteyên ku Hemîd agahîya wan daye Mîtê, ji aliyê balafirên bê mirov ên Tirkiyê ve hatin bombebarankirin.
wê demê di encamê de 2 şervanên Erka Xweparastinê li wê derê şehîd bûbûn.
Piştî Lêpirsînê herdû sîxur radestî Edaletê hatin kirin.
