Malbata El-Esed xwe bi xwe di nava nakokiyan de ne.
Belkî gelek kes bêjin, dibe hinek ji wan li çareseriya krîzê digerin, lewra ev nakokî derdikevin.
Lê ya rast ne ev e.
Ew bi kurt û kurmancî ji bo pereyan şerê hev dikin.
Mahir El-Esed û Esma El-Esed ji bo kî pereyan zêde bistîne, barê gel giran dikin û nirxê kel û pelan li wan buha dikin.
Çîroka wan dûv û dirêj e.
Em li vê nûçeyê gihadarî û temaşe bikin.
Malbata El-Esed di nava hev de şerê hev dikin.
Sedema sereke ne rêya çareseriyê û bidawîkirina azarên gelê vî welatî ye, lê belê li ser dabeşkirina bacan di nava nakokiyan de ne.
Ev jî herî zêde di navbera biryarê Beşar El-Esed, Mahir El-Esed û Esma El-Esed de ye.
Ev herdu alî dibin sedem ku gelek kel û pel li bazara Helebê nemînin.
Li gorî karmendên Odeya Pêşesaziyê ya Helebê, saktora herî zêde ziyanê dibîne jî cilên hazir in.
Nakokî dihêlin ku rêbend asê bibin û kamyonên ta û cawan dereng bighêjin Helebê.
Bazirgan eşkere dikin ku ji bo pêwîstî bêyî astengî derbasî Helebê bibin û agahiyan derbarê rêjeya kel û pelan de nedin, ew neçar in bertîlan bidin Firqeya 4’an a di bin destê Mahir El-Esed de.
Bazirganekî ku nexwest navê xwe eşkere bike dibêje ku heta kamyoneke caw derbas bike, ew ji 15 heta 20 hezar dolarên amerîkî dide Firqeya 4’an.
Bi vê yekê re xwe ji şantaja Nivîsgeha Veşartî ya di bin destê Esma El-Esed rizgar dikin.
Çimkî ew jî ji hêla xwe ve derbarê dahata bazirgan û semiyanên wan de lêkolîn dike.
Lê ji ber bertîlên Firqeya 4’an ew nikare agahiyên zelal bi dest bixîne û ev jî qaseya bacan kêm dike.
Lewra, vê gavê nakokiyên kûr di navbera herdu aliyên navborî de heye û seba wê Qesra Seroktiya dest lê werdaye û demekê rê li ber derbasbûna madeyan hatiye girtin.
Lewra, eger li van nakokî û sedemên wê werin nêrandin, tê dîtin bê sedema bihabûna kelûpelan li herêmên Hikûmeta Şamê çi ye.
Bi vê re eşkere dibe ku kesayetên di malbata El-Esed bo bacan şer dikin, lê gel jî li nirxekî erzan digere û barê wî giran dibe.
