Vê carê xelkên Siwêdayê, sindoqên hilbijartinên parlamentoyê yên hikumeta Şamê ku xwestin li bajêr deynin, red kirin.
Tevgera Gelêrî ya Li Siwêdayê piştî desteya giştî a Tevgerê, amedkariyên avakirina komîteyek siyasî dike.
Di wextekî weha de, şevê din çekdarên xwecihî êrişî hêzên hikumeta Şamê kirin.
Sibe wê li herêmên hikumeta Şamê hilbijartinên parlamanto (Meclisa Gel) çêbibin.
Xeklê Siwêdayê red kirin û rê nadin sendoq bên danîn.
Di dîmenekê ku ji bajarê Siwêdayê hatiye kişandin û li ser medyaya dîjîtal belav bûye de, şêniyên Siwêdayê nahêle sendoqên dengdanê bên danîn.
Di dîmenekê din ku ji bajarokê Mezra yê rojavayê bajarê Siwêdayê hatiye kişandin de, xelkê bajarok, sendoqên hilbijartinan desteser kirine û li cihê çopê danîne.
Şêniyên bajarokê Merdek ê bakurê Siweydayê jî li pêşiya avahiya şaredariyê kom bûn û rê nadin ku sendoq derbasî avahiya şaredariyê bên kirin.
Tevgera gelêrî li Siwêdayê gavên nû avêtin
Di xwetekî wiha de, tevgera Gelêrî ya li Siwêdayê hin gavên nû davêje.
Van rojên dawî Tevgera Gelêrî, Desteya Giştî ya Tevgerê li parêzgeha Siwêdayê ava kir.
Malpera Siweyda 24 ragihand ku niha amdekariyên avakirina Komîteyek Siyasî ya Tevgerê tê kirin.
Desteyê eşkere kir ku ev gav li gorî mafên rawa yê Sûriyan û avakirina dewletek dadwerî, wekhevî û Demokratîk pêk hat.
Kesên dixwazin di vê komîteyê de kar bikin, di nava vê heftiyê de navên xwe ji bo namzetiyê didin.
Piştî wê, ji bo pejrandina namzetan wê hilbijartin pêk werin.
Ev kesên ku niha navên xwe didin, berî hilbijartinan wê li ser hin rêgezên neteweyî soz bidin.
Rêgezên neteweyî, ji Yekîtiya axa Sûriyê û gelê wê, parastina tevgera Gelêrî bi aşîtî û sivîl, xebat li ser qanûnên NY bê kirin.
Li Siwêdayê çekdaran êrişî hêzên hikumeta Şamê kirin
Di rewşekî weha de, şevê din li herêmê dengê teqîn û guleyan hat.
Malpera Siweyda 24 eşkere kir ku ev deng ji ber êrişa çekdarên herêmî li dijî nûqteyek hêzên hikumeta Şamê pêk hat.
Ji ber vê, di navbera her du aliyan de, şer derket.
