Li çiyayên Gabar, Cudî û herêma Bestayê bi fermana fermandariya qereqolan, xweza roj bi roj tê qirkirin.
Di nava 6 salên dawî de, li herêmê ji sedî 8’ê qada daristanê hatiye tunekirin.
Li şûna qadên dar lê tên birîn, qereqol tên avakirin.
Li dijî vê talanê, Rêxistinên Ekolojiyê ragihandin ku 28’ê tîrmehê wê li Şirnexê meşek girseyî lidarbixin û banga beşdariyê kirin.
Li bakurê Kurdistanê bi destê deshilatê, xweza tê talankirin.
Di nava 6 salên dawî de, li çiyayên Gabar, Cûdî û Besta yên Şirnexê ji sedî 8’ê qada daristanê hatiye tunekirin.
Li herêmên navborî birîna daran ku ji aliyê cerdevanan ve bi fermana fermandariya qereqolan hatiye destpêkirin, didome.
Li herêma Gabar, Cûdî û Bestayê li şûna darên ku tên birîn qereqol tên avakirin
Li şûna qadên dar lê tên tunekirin jî, qereqol tên avakirin.
Sala 2021’an, ji aliyê Wezareta Karên Navxweyî û Walitiya Şirnexê ve bi ser navê “Projeya Konsepta Ewlehiyê” tenê li Çiyayê Cudî 22 kuleyên leşkerî hatin avakirin.
Li Besta û Gabarê jî heman konsept xistine dewrê û tê payin ku li Gabarê jî 20 kuleyên nû bên avakirin.
Qadên birîna daran heta navçeya Elkê ya Şirnexê çûye.
Niha jî li herêma Komatê û Xabûr yên bi ser navçeya Elkê ve birîna daran hatiye destpêkirin.
Her wiha li herêma Bestayê jî, li 68 deveran talan heye.
Li Çiyayê Gabarê jî birîna daran ku hatibû destpêkirin, kevir li ser kevir nehatiye hiştin.
Bi giştî 37 gundên li Çiyayê Gabarê ji salên 1990’î ve heta niha qedexekirî ne.
Niha jî Çiyayê Gabarê di bin navê “lêgerîna neftê” de, bost bi bost tê tunekirin.
Bi teqandina dînamîtan, lat û çiyayên li herêmê tên rûxandin.
Herêmên ku talankirina xwezayê lê didome, bi biryara walîtiyê her ji 15 rojan carekê li sivîlan jî tên qedexekirin.
Rêxistinên ekolojiyê wê li dijî qirkirina xwezayê 28’ê Tîrmehê li Şirnexê bin
Li dijî vê qirkirina ekolojîk hat ragihandin rêxistinên Ekolojiyê 28’ê tîrmehê, wê berê xwe bidin Şirnexê.
Tevgera Hawirdorê ya Mezopotamyayê wê bi dirûşmeya “Li dijî qirkirina xwezayê bisekin” daxuyaniyeke girseyî bide çapemeniyê.
Derbarê çalakiya ku dê bê li darxistin de, berdevkê Tevgera Ekolojiyê ya Şirnexê Adnan Şenbayram axivî, bang li her xweza-perezî kir ku 28’ê tîrmehê tevlî meşê bibin û got:.
Em di wê baweriyê de ne, ger em bi hev re têbikoşin, em dikarin van polîtîkayan ji holê rakin.
