Komîsyona Jinan a Herêma Bakur û Rojhilatê Sûriyê ji bo zarok ji rastiya şer rizgar bikin û jingehek bi ewle ava bikin pêngavek dan destpêkirin.
Jin û zarok herî zêde ji şer û nakokiyan bandor dibin.
Di 28’ê Tebaxê de, Rêveberiya Jinan a Bakur û Rojhilatê Sûriyê pêngavek hişyarkirinê ya taybet ji bo zarokan di bin dirûşmeya “Başkirin û Parastin” dan destpêkirin.
Ev pêngav wê sê mehan berdewam bike û di 20’ê Mijdarê Roja Zarokan ya Cîhanî bi dawî bibe.
Rêvebera Ofîsa Parastina Zarokan a li parêzgeha Reqayê Fatima El-Kurdî behsa zirarên şer û bandora wê li ser zarokan kir.
Fatma El Kurdî: çeteyên DAIŞ’ê bandorek gelek xerab li ser zarokan hiştine
Fatima El-Kurdî destnîşan kir ku destpêkirina pêngavê parastin û hişyarkirina zarokan ji diyardeyên civîkî, nexweşî yane û avakirina civakak saxlem e.
Fatme El Kurdî da zanîn ku di tundiya nav malbatê de, şer û nakokiyan de yên herî zêde berdêlan didin zarokin û got:
Bandora şerê li Suriyê gelek tişt li pey xwe hişt.
Zarokan ji mafên wan ên herî biçûk bêpar dihêle.
Tayebet çeteyên DAIŞ’ê bandorek gelek xerab li ser zarokan hiştine.
Fatma El Kurdî: Avakirina zarokatiyeke saxlem avakirina civakeke saxlem e
Fatme El Kurdî da zanîn wê di nava pêngavê de semîner, civînên hişyarkirinê bên li darxistin û got:
Me serdana zarokan li dibistan û peymangehan kir.
Çalakiyên lîstok û fêrbûnê derbarê aliyên jiyanî yên cuda de da wan.
Ji ber avakirina zaroktiyeke saxlem û civakeke saxlem e.
Fatme El Kurdî: Em ê bi rêya çalakiyên xwe nifşên bê bi Zanabûn û Zanistê tijî bikin
Fatme El Kurdî ragihand ku dê bi riya çalakiyên xwe nifşên bê bi zanabûn û zanistê tijî bikin û wiha bi dawî kir:
Emê wan ji metirsiyên diyardeyên civakî yên neyînî mîna belavbûna madeyên hişbirê û bikaranîna şaş a dîjîtal medyayê hişyar bike.
Em ê pêngavên bi vî rengî her demê bi bernameyên cuda dubare bikin da ku em bighêjin hemû zarokên herêmê.
Hişyarkirina zarokan berpirsyariya hemû civakê ye û bi taybet a jinan e.
