Êrişên Îsralê yên li ser Xezeyê jî dewam dikin.
Di êrişa arteşa Îsraîlê ya li ser mizgefteke li Deyr el Belahê de 21 kes hatin kuştin.
Li aliyê din, Serokomarê Fransayê Emmanuel Macron banga rawestandina şandina çekan ji bo Îsraîlê kir
Berteka Îsraîlê yên li hemberî banga Macron jî demildest bû û wek cihê şermê hat binavkirin.
Hemwextî van Netanyahu got, piştî tunekirina Hemasê em ê bersiva Îranê bidin û Hizbullahê tune bikin.
Îsraîla ku êrişên xwe yên li ser Xezeyê didomîne, li bakurê herêmê operasyoneke bejahî ya nû da destpêkirin.
Di daxuyanîya ku ji aliyê artêşa Îsraîlê ve hat dayîn de diyarkirin ku leşkeran herêma Cebalîya ya li bakurê Xezzeyê bi serketî dorpêç kir.
Di êrişa Îsraîlê ya li Deyr El Belahê de 21 kes hatin kuştin
Hemwextî vê Parastina Sivîl a Xezeyê ragihandin ku Îsraîlê êrîş bir ser mizgeftekê ku mirovên ji cih û warê xwe bûbûn tê de bûn.
Hate ragihandin ku di vê êrişa li Deyr el-Belahê de 21 kes hatin kuştin.
Artêşa Îsraîlê eşkere kir ku êrîş li dijî şervanên tevgera Hamasê ya Fîlîstînê hatiye kirin.
Di salekê de li Xezayê nêzî 42 hezar kes hatin kuştin
Li aliyê din, em dikevin sala ewil a şerê li Xezeyê.
Li gorî daneyan ji destpêka şerê li Xezayê nêzî 42 hezar kes di êrişên Îsralê de jiyana xwe ji dest dane.
Bertekên raya giştî ya li hemberî operasyonên Îsrîalê zêde dibin
Li herêmê her ku diçe wendahiyên sivîl zêde dibin, bertekên raya giştî ya navneteweyî ya li hemberî operasyonan jî zêde dibin.
Di vê çarçoveyê de Serokomarê Fransayê Emmanuel Macron banga rawestandina şandina çekan bo Îsraîlê kir.
Emanuel Macron banga rawestandina şandina çekan ji bo Îsraîlê kir
Macron herwiha rexne li biryara Serokwezîrê Îsraîlê Benjamin Netanyahu ya ji bo berfirehkirina operasyona ber bi Lubnanê kir û got,
“Li gorî min îro ya pêşîn ew e ku em vegerin çareseriya siyasî û şandina çekan ji bo şerê li Xezzeyê rawestînin.”
Macron her wiha destnîşan kir ku Fransa wê çekan neşîne herêmê.
Netanyahu bertek nîşanî Macron da: Banga wî cihê şermê ye
Bertekên Îsraîlê yên li hemberî daxuyaniyên Macron jî demildest bû.
Netanyahu îdia kir ku ew li dijî hovîtiya bi pêşengiya Îranê têdikoşin” û da zanîn ku divê hemû welatên Rojavayî li cem Îsraîlê bin.
Netanyahu got:
“Lêbelê Serokomar Macron û lîderên din ên rojavayî niha li dijî Îsraîlê banga ambargoya çekan dikin.
ev cihê şermê ye.”
Piştî berteka Îsraîlê, ji Fransayê careke din peyama piştgiriyê hat
Piştî vê berteka Îsraîlê, ji Fransayê careke din peyama ji bo piştgiriya bi Îsraîlê re hat.
Di daxuyanîya ku ji Qesra Elyseeyê ve hat dayîn de, hat gotin:
Fransa dostê Îsraîl e û ji ber daxuyaniyên Netanyahû yên tund ew xemgîn bûne.
Îsraîl: Piştî tunekirina Hemasê em ê bersiva Îranê bidin û Hizbullahê tune bikin
Hemwextî van geşedanan, Îsraîlê careke din biryardariya xwe ya ji bo bersivdayîna Îranê nîşan da.
Netanyahu di peyameke vîdyoyî de ku şeva borî ji aliyê kanalên medyayî yên Îsraîlê ve hat belavkirin, got:
Piştî tunekirina Hemasê em ê bersiva Îranê bidin û Hizbullahê tune bikin.
