Di 9’emîn Salvegera Komkujiya li Gar a Enqereyê de çalakiyek bîranînê li qada komkujiyê hat li darxistin. Hevseroka Giştî ya DEM Partiyê Tulay Hatîmogûllari li bîranînê axivî û got,”Em ê van canên xwe ji bîr nekin û nedin jibîrkirin.
Em ê wan di têkoşîna xwe de her zindî bihêlin.”
Di 10’ê Cotmeha 2015’an de DAIŞ’ê li Qada Gara Trenê ya Enqereyê bi bombeyan êrîşî Mitînga Aştiyê kir.
Di êrîşê de 103 kes hatin kuştin.
Bi boneya salvegera 9’emîn a komkujiyê, li qada komkujiyê merasîma bîranînê hat lidarxistin.
Malbatên şehîdên kokujiyê, kesên di komkujiyê de birîndar bûn û gelek kes tev li bûn.
Çalakiya bîranînê ji Stasyona Metroyê ya Ulusê heta Qada Garê meşiya.
Di bîranînê de Seroka Komeleya Aştiyê Mehtap Sakîncî Coşgun ku hevjînê wê parêzer Uygar Coşgun di komkujiyê de jiyana xwe ji dest dabû jî metna hevpar xwend û got:
“Heke Komkujiya 10’ê Cotmehê weke sûcekî li dijî mirovahiyê neyê qebûlkirin wê demê dê kîjan doz were qebûlkirin?
Dema mirov li daxuyaniyên siyasiyê dinêre, eşkere dieb ku Komkujiya 10’ê Cotmehê cînayeteke siyasî ye.”
Hevseroka Giştî ya DEM Partiyê Tulay Hatîmogûllari jî anî ziman ku tenê daxwaza wan aştî bû û wiha dewam kir:
“kesên ku derketibûn daxwaza wan azadî, hemwelatiya wekhev bû.
Lê desthilatdariyê, ji bo parastina hêza xwe bike Komkujiya 10’ê Cotmehê pêkanî.
Tulay herî dawî teqez kir ku ew tu carî şehîdên xwe ji bîr nakin û got:
“Em ê wan di têkoşîna xwe de her zindî bihêlin.”
Li aliyekî din jî endama Komîsyona Parêzerên Komkujiya 10’ê Cotmehê ya Enqereyê Îlke Işik jî behsa rewşa Tirkiyê di 2015’an de kir û got:
“Hilbijartinên Hezîrana 2015 derbas bibû.
Piştî vê hikumet hilbijartinê qebûl nekir.
Hikumet nehat avakirin û li pêşberî me desthilatdariyek ku ber bi pevçûnê ve diçe hebû.
Îlke Işik: Welatek bi zextê û tundiyê hat birêvebirin
Îlke Işik anî ziman ku di wê rojê de serokomar gotibû ‘hûn li welat kaos dixwazin waye ji were kaos.’ û wiha dewam kir:
“AKP’ê ji ber hilbijartin winda kir bi zext û kaosê vê yekê kir.”
“Divê pêvajoya 2015’an tu carî neyê jibîrkirin”
Îlke Işik anî ziman ku divê pêvajoya 2015’an ji bo cîhanê, Rojhilata Navîn û taybetî jî ji bo Tirkiyê tu carî neyê jibîrkirin û got:
“Divê berpirsyarên komkujiyê bên darizandin “
