Siyasetmedara girtî Elîf Çetînbaş komploya navneteweyî ya li hember Rêber Abdullah Ocalan nirxand û diyar kir ku paradîgma ku Rêber Abdullah Ocalan pêş xistiye li cîhanê bandor kiriye û gihiştiye armanca xwe.
Bertekên li hember komploya navnetewî ku di 9’ê Cotmeha 1998 li dijî Rêber Apo destpêkir heta niha bi rêbazên cuda dewam dike.
Kurd û dostên wan bertekên xwe bi çalakiyên cur bi cur her dem nîşan didin.
Hevseroka berê ya HDP’a Mûşê û girtiya nexweş Elîf Çetînbaş ku li girtîgeha jinan a Sîncanê girtiye der barê komployê de nirxandin kir.
Elîf Çetînbaş: Armanca sereke ya Komployê tunekirina hêviya gel bû
Elîf Çetînbaş diyar kir ku yek ji armanca sereke ya komployê tunekirina hêviya kurdan bû û got:
Wek Birêz Abdullah Ocalan jî gotiye ‘xwestin hêviyê tune bikin’û ji hêviyê tiştekî nehêlin.
Dema qutiya Pandora vekirin xerabiyên wek mirin û zilmê belav bûn.
Hêzên hegemonîk bi van xerabiyan zilm li gelan kirin.
Gelo ji qutiyê tiştek ma? Bêguman ma; hêvî, Hêvî nûbûn e, Hebûn e û Mizginiya ronahiyê ye.
Elîf Çetînbaş: Hêzên Navneteweyî dixwazin cîhanê bixin bin bandora xwe
Elîf Çetînbaş dazanîn ku hêzên navneteweyî ji bo ku cîhanê bixin bin bandora xwe li ser Rojhilata Navîn senaryoyan xêz dikin û got:
Senaryên Kasr-i Şîrîn û Sykes Pîcot yên herî bi bandor bûn.
Van peymanan Rojhialata Navîn bi taybet jî Kurdistan parçe kirin û sînor xêz kirin.
Lê ev polîtîkan li dijî Kurdan bi ser neket.
Bi Şoreşa Rojava re jî Paradîgma Netewa Demokratîk, Ekolojîk û Jinê li cîhanê hat nasîn.
Senaryên wan jî çûn ser sergo.
Elîf Çetînbaş destnîşan kir ku radestkirina Rêber Apo xemginiyek mezin afirand û wiha dewam kir:
Li kêlek xemgîniyê berxwedaniyeke mezin jî hat jiyîn.
Kurdan gotin desthilatdaran xwestin cîhana me tarîbikin.
Lê ji bedenan meşale pêxistin û cîhan ronî kirin.
Elîf Çetînbaş: Hêzên Komploger tu carî negihiştin armanca xwe
Elîf Çetînbaş teqez kir ku hêzên komploger tu carî negihiştin armanca xwe û wiha bidawî kir:
Ya hat armanckirin parçeirin û tunekirina Kurdan bû.
Paradîgma Birêz Ocalan ya Modernîteya Demokratîk li zanîngehan wek ders tê dayîn.
Birêz Abdulah Ocalan ne tenê ji bo Kurdan ji bo hemû gelên cîhanê şans e.
Ji ber vê jî ev nîşan dide ku komplo negihiştiye armanca xwe.
Ji vir şûnde bila hêzên komploger bifikirin!
