Endamê Fermandariya QSD’ê Luqman Xelîl diyar kir ku ew ê êrîşên dewleta Tirk a dagirker bê bersiv nahêlin.
Xelîl diyar kir ku di çarçoveya şerê gelê şoreşgerî de amadekariyeke mezin tê kirin.
Luqman Xelîl destnîşan kir ku êrîş ji bo têkbirina aramiya herêmê ne.
Endamê Fermandariya QSD’ê Luqman Xelîl li ser êrîşên dewleta Tirk ya dagirker yê li ser herêmê ji rojnameya Ronahî re axivî.
Loqman Xelîl anî ziman ku armance erişan şikandina vina gelê kurde û got:
“Êrişên dagirkeriyê yên dawiyê cîhan giştî dişopîne.
Giştî hêz hewil didin ku di axa Rojhilata Navîn de, serweriya xwe ava bikin.
Yêk ji wan herêman Kurdistane. Di nav Kurdistanê de jî Rojavayê Kurdistanê ye.
Niha di herêmê de, şerek bêpîvan û bêexlaq dimeşe.
Êrîşên ku tên kirin, armanc şikandina vîna gelê Kurd û têkbirina aramîya herêmê ye.
Ji ber ku ev niha rewşa dewleta Tirk ya dagirker jîyan dike rewşa qeyran û alozîyê ye.
Di wan êrîşên dawiyê pêkanîn de, piranî zarok û jin hatin armancgirtin.
Armanca dewleta Tirk ya dagirker ne tene hêzên leşkerî ne, di heman demê de gelê sivîlê jî.
Luqman Xelîl: Di çaroveya parastina rewa de emê erîşan bê bersiv nehêlin
Luqman Xelîl amadekariyên QSD’ê li hemberî êrişan di çi astê de ne wiha anî ziman:
“Em dikarin wê tiştê vekirî bêjin armanckirina gelê herêmê yê sivîl wek hêzên leşkerî QSD’ê di bin bingeha parastina rewa de, em bê bersiv nahêlin.
Wek hêza QSD’ê me tedbîrên xwe yên ji bona êrîşeke mezin amadekirine.
Li gor teknîka destê dewleta Tirk ya dagirker de em xwe amade dikin. Tû hêza dewleta Tirk ya dagirker Ji bilî teknîka destê wê de nema ye.”
Luqman Xelîl: Gelê me hemberî hemû tûndiyan rihê şoreşgerane xwe birêxistin kiriy e
Fermandar Luqman Xelîl di çarçoveya şerê gelê şoreşgerî de tekoşîn alîyê QSD’ê çawa bê meşandin wiha anî ziman;
“Civaka me û gelê me bi axa we girêdayî ye. Hestên welatparêzîyê di Rojavayê Kurdistanê de pir xurt e.
Ev ji bona me cihê şanazî û serbilindîyê ye. Her cihê ku êrîş li ser dihate kirin gelê me tevger dabû, diçu cihê bûyerê alikarî didan hêzên ewlekarîyê.
Eve ji bona dagirkeran peyamekê pir girîng e.
Gelê me hemberî hemû tûndiyan rihê şoreşgerane xwe birêxistin kiriy e.
Em jî wek zarokên Rojavayê Kurdistanê QSD’ê ji bona parastina gele xwe bi hewra emê tekoşîn bikin.”
Luqman Xelîl: Dewleta Tirk êrîşî cihên sîvîlan dike
Fermandar Luqman Xelîl herî dawî got:
“kargehên ku hatine bombe baran kirin, cihê xizmetguzarîyê ne.
Tû eleqa ya xwe li gel hêzên me yên leşkerî tûne ye.
Di Dêrîke kargehekê mast û nexweşxaneyekê sîvîl û dirûngehek armanckir ev cihê leşkerî ne? Kiryarên ku dewleta Tirk pêk tîne, kiryarên dervî zagonî û terorî ne.”
