Hikûmeta Îsraîlê UNRWA sûcdar dike ku hin xebatkarên wê di êrîşa Hamasê ya li ser Îsraîlê di 7’ê Cotmeha 2023’yan de beşdar bûne.
Xebatên UNRWA’yê beriya niha bi biryara parlamentoya Îsraîlê nêzî hefteyekê hatibû qedexekirin.
Di vê derbarê de Wezareta Karên Derve Îsraîlê daxuyaniyek da û tê de behsa girtina wê tê kirin.
Hikûmeta Îsraîlê ragihand ku wan derbarê qedexekirina karê saziya alîkariyê ya Neteweyên Yekbûyî ya Filistînê UNRWA de Neteweyên Yekbûyî agahdar kiriye.
Tê payîn ku ev qedexe bandorê li jiyana bi mîlyonan Filistînî bike.
Di daxuyaniya Wezareta Karên Derva ya Îsraîlê de wiha hat gotin:
“Bi talîmata Wezîrê Karên Derve Îsraîl Katz, Wezareta me der barê betalkirina peymana di navbera Îsraîl û UNRWA’yê da agahî da Neteweyên Yekbûyî.”
Îsraîl: Qedexeya li ser UNRWA’yê piştî sê mehan di meriyetê de ye
Her wiha di daxuyaniya Wezareta Karên Derve ya ku di X’ê de ji aliyê Nûnerê Daîmî yê Neteweyên Yekbûyî yê Îsraîlê Danny Danon ve hat weşandin de hat diyarkirin ku biryar piştî 3 mehan wê bikeve meriyetê.
Di daxuyaniyê de wiha hat gotin:
“Di vê pêvajoyê de Îsraîl wê bi hevkarên xwe yên navneteweyî re, ku di nav wan de saziyên Neteweyên Yekbûyî jî hene, ji bo ku alîkariyên mirovî ji sivîlên li Xezayê re bi awayekî ku ewlehiya Îsraîlê têk neçe, bê şandin.
Îsraîl ji Neteweyên Yekbûyî hêvî dike ku beşdarî van hewldanan bibe û bi Îsraîlê re hevkariyê bike.”
Xebatên UNRWA’yê bi biryara parlamentoya Îsraîlê nêzî hefteyekê berê hatibû qedexekirin.
Civaka Navneteweyî bertek nîşanî rawestandina xebatên UNRWA’yê da
Tevî hişyariyên Dewletên Yekbûyî yên Amerîka û Konseya Ewlekariyê ya Neteweyên Yekbûyî, parlamenterên Îsraîlê bi piraniya dengan pêşnûmeya qedexekirina UNRWA’yê li Qudsa Rojhilat û her wiha Îsraîlê qebûl kiribûn.
Hikûmeta Îsraîlê UNRWA sûcdar dike ku hin xebatkarên wê di êrîşa Hamasê ya li ser Îsraîlê di 7’ê Cotmeha 2023’yan de beşdar bûne.
Biryara Îsraîl a mijara gotinê bû sedema berteka civaka navneteweyî.
Civata Ewlekarî ya Neteweyên Yekbûyî di biryara xwe ya yekdeng de hişyarî da ku bidawîkirina karê UNRWA’yê yan jî bi her awayî rawestandina wê dê encamên jiyanî li ser bi milyonan penaberên filistînî hebe.
