Li gundê Ved Aşeb ê eyaleta Cezîrê ya li herêmên navendî yên Sûdanê ji ber nexweşiyên şewbê û kêmbûna derman û xwarinê 25 kesan jiyana xwe ji dest dan.
Di daxuyaniya saziya sivîl a “Banga Navîn” a ji çalakgeran pêk tê de, hat diyarkirin ku Hêzên Piştevaniya Bilez gundê Ved Aşeb dorpêç kirine.
Di daxuyaniyê de hat diyarkirin ku ji ber sedemên wekî derketina gel ji gund, nekarîn amûr û alavên tibî û xwarinê peyda bikin, ji ber belavbûna nexweşiyan 25 kesan jiyana xwe ji dest dane.
Êrîşên Hêzên Piştgiriya Bilez yên li ser Parêzgeha Cezîrê didome
Her wiha hat diyarkirin ku yek ji payebilindên Hêzên Piştgiriya Lezgîn û fermandarê parêzgeha Cezîrê Ebû Akile Keykel di 20’ê Cotmehê de ji Hêzên Piştgiriya Bilez vekişiya û tevlî artêşê bû.
Hêzên Piştgiriya Bilez di navbera 20-26’ê Cotmehê de êrîşî gundên Cizîrê kir.
Rêxistina Koçê ya Navneteweyî ya Neteweyên Yekbûyî di 14’ê Mijdarê de ragihandibû ku li Cezîrê di navbera 20’ê Cotmehê û 13’ê Mijdarê de ji ber zêdebûna bêewlehiyê û dijwarbûna pevçûnên di navbera artêş û Hêzên Piştgiriya Bilez de 343 hezar û 473 kes koçber bûne.
