Şêniyên bajarên Dêrikê, Girkê Legê û Çilaxayê ji bo beşdarî çalakiya nobetê bibin, berê xwe dane Bendava Tişrînê.
Bi dehan şêniyên ji bajarên Dêrik, Çilaxa û Girkê Legê yên kantona Cizîrê ku li qadên giştî hatin gel hev, ji bo beşdarî çalakiya nobetê bibin, bi moreleke bilind ber bi Bendava Tişrînê ve bi rê ketin.
Şêniyên hersê bajaran dê nobetê parastina bendavê ji şêniyên Hesekê, Şedadê, Dirbêsiyê, Zirgan û Til Temir dewr bigirin.
Ji 8’ê Çileya îsal gelê Bakur û Rojhilatê Sûriyeyê ji bo parastina bendavê û nîşandana dijbertiya xwe li hemberî êrişên dewleta Tirk a dagirker û çeteyên wê çalakiya nobetê bi rêxistin dikin.
