Têkildarî planên leşkerî yên Tirkiyê li ser Sûriyê Şêwirmendê Rêveberiya Xweser Bedran Çiya Kurd nirxandin kir.
Bedran Çiya Kurd destnîşan kir ku polîtîkaya berbelavbûnê ya Tirkiyê bi qasî Îsraîlê welatên din jî bi fikar dike û got:
“Armanca êrîşên leşkerî yên Îsraîlê yên beriya çend rojan li ser Sûriyê, sînordarkirina bandora Tirkiyê ya li Sûriyê ye.”
Li Rojhilata Navîn rewşekî jeopolîtîk a nû diqewime.
Aloziya di navbera Tirkiye û Îsraîlê de , bandor êdî li ser hevsengiya li herêmê bi taybet ya Sûriyê jî dike.
Şêwirmendê Rêveberiya Xweser Bedran Çiya Kurd, têkildarî planên leşkerî yên Tirkiyê li ser Sûriyê ,
Destwerdanên Îsraîlê, bandorên vê yên li ser herêmê û cihê Rêveberiya Xweser û Kurdan ya di vê hevkêşeyê de axivî.
Li ser pirsa di van demên dawî de hûn aloziya di navbera Îsraîl û Tirkiyê de çawa dinirxînin , Bedran Çiya Kurd ev bersiv da .
Sûriye berê di navbera çend hêzên herêmî û navneteweyî de hatibû parçekirin.
Lê bi hilweşîna rejîma Baasê dîmen bi temamî guherî û hevsengiya hêzan ya berê ya ku bi salan dom kiribû têk çû.
Tirkiye jî yek ji van hêzan e ku hewl dide hebûn û bandora xwe ya siyasî, leşkerî û aborî li ser Sûriyê ferz bike.
Ev tevgera zêde ya Tirkiyê rasterast li ser dîtin û berjewendiyên welatên herêmê yên din dike ku yek ji van jî Îsraîl e.
Îsraîl dibine ku Tirkiyê xwe di herêmê de zêde belav kiriye û vê yeke wekî metirsiyekê dibine.
Ji ber vê yekê destûrê nade hebûna hêzeke birêxistinkirî û bi hêz a Îslama siyasî li Sûriyê.
Çiya Kurd: Armanca êrişên Îsraîl li ser Sûriyê sînordarkirina bandora Tirkiyê
Bedran Çiya Kurd derbarê mijara ku wê Tirkiye li Sûriyê wê baregehên leşkerî yên nû ava bike jî nirxandin kir.
Bi gotina wî Ev yek bi armanca kontrolkirina rê ye ku divê Suriyê wekî dewleteke sereke tê de cih bigire tên kirin.
Bê guman ev yek wê bibe piştgiriya leşkerî ya Tirkiyê ya ji bo wan komên bi fikrên îslamîst .
Ev yek li gorî bûyerên niha li herêmê pêk tên, ji aliyê navneteweyî ve nayê pejirandin.
Her wekî Çiya Kurd eşkere kir ku armanca êrîşên Îsraîlê yên li ser Sûriyê, sînordarkirina bandora Tirkiyê ya li Sûriyê ye.
Çiya Kurd: Aloziya di navbera Tirkiyê û Îsraîlê wê bandorê li herêma me jî bike
Di warê bê wê aloziya di navbera Tirkiye û Îsraîlê de bandoreke çawa li Bakur û Rojhilatê Sûriyeyê bike Çiya kurd ev anî ser ziman:
Aloziyên ku li Sûriyê çêdibin rasterast li ser hemû gel û herêmên Sûriyê bandor dikin û em jî di nav de ne.
Em dixwazin ku divê hêzên navneteweyî yên cûda yên li Sûriyê bibin faktorek aramiyê .
Divê Sûriye nekin qadek ji bo safîkirina alozîyên xwe û hesabên ku xêr û bêrên herêmê li ser xwîna gelê Sûriyê bi dest bixin.
Çiya Kurd: Divê Tirkiyê bi temamî ji erdnîgariya Sûriyê vekişe
Li gor wî rewşa alozî ya di navbera Îsraîl û Tirkiyê de dê bandoreke mezin li ser Sûriyê bike.
Ji ber vê yekê ji bo çareserkirina vê pirsgirêkê û alozîyê, divê Tirkiye bi temamî û bê şert û merc ji erdnîgariya Sûriyê vekişe.
