Rayedarên Ukraynayê ragihandin ku Rûsyayê duh bi şev bi dronan êrişî paytexta Ukraynayê kir û di encamê de 2 jê zarok herî kêm 11 kes birîndar bûn û li hin avahiyên niştecihbûnê şewat derket.
Serokê rêveberiya leşkerî ya Kîevê Tîmûr Tkaçenko der barê êrişê de agahî parve kirin.
Tîmûr Tkaçenko diyar kir ku li Obolonsky û Svyatoshynsky ji ber bermahiyên dronên ku ketine şewatên li avahiyên niştecihbûnê û erebeyan welatiyan derket.
Servîsa Rewşên Awarte ya Ukraynayê jî ragihand ku 76 endamên agirkujiyê beşdarî vemirandina agiran bûn.
Wezareta Parastinê ya Rûsyayê ragihand ku yekîneyên parastina hewayî şeva borî 13 dronên Ukraynayê li herêmên Rostov, Belgorod û Bryansk xistine xwarê.
Moskovê der barê êrişa li dijî Kîevê tu daxuyanî neda.
