Hêzên Rizgariya Efrînê di çarçoveya çalakiyên li dijî dagirkeriya dewleta tirk û çeteyên wê yên li Efrînê de çalakî pêk anîn, 3 çete hatin kuştin.
Hêzên Rizgariya Efrînê têkildarî çalakiya hêzên wan ya di 13 û 15’ê Çileyê de daxuyaniyek nivîskî weşand û ev agahî da:
13’ê Çileyê hêzên rizgariyê li derdora gundê Kil Cibrîn yê bi ser herêma Ezazê ve li dijî çeteyên artêşa dagirker çalakiyeke sekvaniyê pêk anîn û çeteyek hate kuştin.
15’ê Çileyê li derdora gundê Vîla Qadî ya navçeya Şera, hêzên rizgariyê çalakiyek bibandor li dijî erebeyeke çeteyan lidarxist.
Di encamê de erebe hat teqandin û 2 çeteyên tê de hatin kuştin.
Piştî çalakiyê artêşa dagirker û çeteyên wê gundên Malikiyê, Merenaz û Şewarxa yên navçeya Şera bi çekên giran topbaran kirin.
Di heman demê de tevgera balafirên keşfê yên artêşa dagirker li ser herêmê didome.”