Jinên bajarê Hesekê kuştineke jineke ciwan şermezar kir.
Her wiha jinan ev bûyer bi temamî red kir û banga bidestxistina edaletê kir.
Jinan li taxa Xiwêran a bajarê Hesekê, kuştina jineke ciwan (19) bi navê R.E. şermezar kir.
Rêxistina Sara ya Têkoşîna li dijî Şîdeta li ser Jinan ji bo şermezarkirina vê bûyerê, xwepêşandanek li dar xist.
Jinên ku beşdarî xwepêşandanê bûne, kuştina jina ciwan (R. E.) şermezar kirin, di heman demê de pankarteke mezin hilgirtin ku li ser nivîsên li dijî tevahî cûreyên şîdeta li dijî jinan bû û daxwaza edaletê kirin.
Dûre Rêxistina Sara ya Têkoşîna li dijî Şîdeta li ser Jinan daxuyaniyek da.
Endama rêxistinê Şîlan Abdulwehab Abdo daxuyanî xwend ku tê de wiha hatiye gotin: “Sûcekî ku tevna civakê ji hev dixe nemaze di bûyerên şîdeta li ser bingeha zayendî de, ku Rojhilata Navîn rêjeyên herî bilind, kuştina jinan li ser navê malbatê rû dide.”
Di daxuyaniyê de rêxistinê kuştina jineke ciwan li taxa Xiwêran a bajarê Hesekê wek xelekeke ji bêcezatiyê û cudahiya li dijî jinan de bi nav kirin.
Di daxuyaniyekê de rêxistinê, ev bûyer ne wek mijareke malbatî hate hesibandin lê belê wek binpêkirineke aşkera ya mafên mirovan ên jiyan û ewlehiyê diyar kir û ji bo wê helwesteke tund a civakî û hikûmetê hewce dike.
Rêxistinê di daxuyaniyê de hemû hincetên çandî, olî û civakî yên ku ji bo normalîzekirina binpêkirina bedenê jinan û mafên wan ên jiyanê têne bikaranîn şermezar kirin.
Rêxistinê di daxuyaniyê de banga avakirina komîteyeke lêkolînê ya bêalî ji bo naskirina sûcdaran, lidarxistina darizandinên giştî bi awayekî aşkera, betalkirina zagonên ku cezayên kuştina jinan bi hinceta ‘namûsê’ sivik dikin û parastinê ji bo kesên heyî peyda dike, kir.
Rêxistinê di daxuyaniyê de destnîşan kir ku edalet ne vebijarkek e, lê belê erk e ku birînên mexdûran bi bê dengî, lê belê bi dengê civakê û bi axaftina li dijî neheqiyê derman dike.
Di daxuyaniyê de bang li rawestandina rewakirina sûcan bi “zimanê rûmetê” hat kirin û hat xwestin ku rastiyan bi awayekî rast werin ragihandin.
Li gorî daxuyaniya Rêxistina Sara pêwîst e çanda bêdengiyê were şikandin û her tundûtûjiyeke pêkan were ragihandin.
