Amerîka û Ukrayna ji bo firotina çekan peymanekî çêkirin.
Zelenkî got ew di berdêla dayîna balafirên bê mirov çekên Amerîkî bigirin.
Li aliyê din jî rayedarên leşkerî ragihandin ku seferberiya ji bo leşkerî berdewam dike.
Volodimir Zelenskî Donald Trump li ser peymanekê nîqaş dikin ku dê kirîna çekên Amerîkî di berdêla firotina dronan a Ukraynayê de peyda bike.
Di hevpeyvînekê de bi The New York Post re, Zelenskî eşkere kir ku di civîna xwe ya dawî de bi Trump re, peymanek hatiye nîqaş kirin ku li gorî wê Amerîka û Ukrayna wê di teknolojiya firînê de piştgiriyê bidin hev.
Tê gotin ku ev dikare rê bide Ukrayna ku hin çekên Amerîkî bikire, lê hûrguliyên vê peymanê hîn nehatine dawî kirin.
Ukrayna dê di berdêla dronan de çekan werbigire
“Gelê Amerîkî hewceyê vê teknolojiyê ye.
Ez difikirim ku ev peymanek pir mezin e, rewşek serketî ye, wekî ku ew dibêjin.”
Serokkomarê Ukraynayê diyar kir ku Ukrayna amade ye ezmûna xwe ya di warê teknolojiyên balafirên bê mirov de bi “Amerîka û hevkarên din ên Ewropî re” parve bike û behsa Danîmarka, Norwêc û Almanya kir.
Shmygal: Seferberî li Ukraynayê wekî ku hatiye plankirin berdewam dike
Li aliyê din Denis Shmygal (denîs şîmîgal) diyar kir ku seferberî li Ukraynayê wekî ku hatiye plankirin berdewam dike, hejmareke mezin ji mirovan tevlî Hêzên Çekdar ên Ukraynayê dibin.
Şîmîgal got:
“Rêveberiya di artêşê de, baweriya bi fermandar û serokatiya Hêzên me yên Çekdar, ji bo ku mirov ji tevlîbûna Hêzên Çekdar ên Ukraynayê netirsin, pêşîniyek û bingehek e, û wekî ku em carinan dibihîzin, hewcedariya seferberiya bi zorê tune.
Bi gelemperî, em li ser hin bûyeran dibihîzin, lê seferberî li Ukraynayê wekî ku hatiye plankirin berdewam dike, û îro gelek kes tevlî Hêzên Çekdar ên Ukraynayê dibin da ku welatê xwe biparêzin.”
Wî tekez kir ku erkê Wezareta Parastinê ew e ku hemû tesîsên pêwîst ji bo mirovan peyda bike û her tiştê ku ji destê wî tê bike da ku pergala Hêzên Çekdar ên Ukraynayê balê bikişîne ser leşkerên Ukraynayê.
