QSD’ê bi daxuyaniyekê ragihand ku şervanên wan Berxwedan Efrîn (Murad Selah Qenber), Esmer Hemrat (Hisên Mihemed Şêx Elî) û Ebû El Hekem (Neîm Ehmed El Ebab) piştî rêwîtiyeke mezin a têkoşîn û berxwdanê li cih û demên cuda şehîd bûne.
Navenda Ragihandinê ya QSD’ê der barê şehadeta 3 şervanan de daxuyaniyek weşand.
Daxuyanî wiha ye:
“Hevreyên me Berxwedan Efrîn (Murad Selah Qenber), Esmer Hemrat (Hisên Mihemed Şêx Elî) û Ebû El Hekem (Neîm Ehmed El Ebab) piştî rêwîtiyeke mezin a têkoşîn û berxwdanê li cih û demên cuda şehîd bûne.
Hevrêyê me Berxwedan Efrîn ji malbateke welatparêz e ku di Şoreşa 19’ê Tîrmehê de xwedî dîrokeke dirêj e.
Hevreyê me yê şehîd ji zarokatiya xwe ve bi ramanên welatparêziyê yên di nav malbatê de serwer bûn bandor bû. Vê yekê jî hişt ku ji bo parastina gel û axa xwe tevlî refên hêzên me bibe.
Hevrê Berxwedan tevlî gelek dewreyên perwerdeyê bû û di wan deman de ezmûneke bilind a şer bi dest xist.
Hevrê Berxwedan beşdarî gelek pêngavên hêzên me yên li deverên cuda yên herêmên Bakur û Rojhilatê Sûriyeyê bûn. Di berxwedan û bersiva li hemberî komên çeteyan û hêzên dagirker ên Tirk de li pêş bû.
Di şerên ku tevlî bûbû de berpirsiyariyên mezin hilgirt ser xwe û heta kêliyên xwe yên dawîn jî baweriya xwe bi serkeftina doza ku jê re şer dikir, anî.
Hevrêyê me Esmer Hemrat jî di malbateke welatparêz de ji dayik bû.
Tevî ku nû tev tev li hêzên me bibû jî, wî di warê bidestxistina zanist û taktîkên leşkerî de xwe îspat kir, performansa xwe ya leşkerî pêş xist, lew ra hem di aliyê rêxistinkirina hêza xwe û hem jî di şerê rasterast ên li hemberî dijmin de fermandarkî meydanî yê jêhatî bû.
Hevrêyê me Esmer heta dawiyê dilsozê pîvanên şoreşgerî ma.
Hevrê Ebû El Hekem jî piştî ku tev li hêzên me bû, di raman û têgînên xwe de guhertinek bingehîn da avakirin û bû şervanek ku baweriya xwe bi dozên nîştimanî û şoreşgerî anî û hemû hêza xwe wan parastina wan dikir.
Hevrê Ebû El Hekem ezmûn û zanist berhev dikir û bû parêzvanê wan ji êrişên herêma Bakur û Rojhilatê Sûriyeyê.
Hevrê Ebû El Hekem ruhekî fedakar nîşan da, israr kir ku zanîna leşkerî û taktîkên şer û pevçûnê bi dest bixe û heta kêliyên xwe yên dawîn bi van pîvanan ve girêdayî ma.
Bila serê malbatên her sê şehîdan û tevahî malbatên şehîdan be. Soza me ew e ku em ê ala wan li ba bihêlin û xeylanên wan ên avakirina welatekî bê teror û bê dagirkerî bi cih bînin.”
NASNAMEYÊN ŞEHÎDAN:
Nasnav: Berxwedan Efrîn
Nav û paşnav: Murad Qenber
Navê dayikê: Lutfiye Mistefa
Navê bav: Selah
Cihê jidayikbûnê: Efrîn
Cih û dîroka şehadetê: Tebqa- Qezaya leşkerî, 17 Tîrmeh 2025
Nasnav: Esmer Hemrat
Nav û paşnav: Hisên Şêx Elî
Navê dayikê: Selale
Navê bav: Mihemed
Cihê jidayikbûnê: Hemra Belasim
Cih û dîroka şehadetê: Reqa-Rêya Marûda-Qezaya leşkerî, 19 Tîrmeh 2025
Nasnav: Ebû El Hekem
Nav û paşnav: Neîm El Baba
Navê dayikê: Fatima Ceza
Navê bav: Ehmed
Cihê jidayikbûnê: Heleb- Zehra
Cih û dîroka şehadetê: Meskene, 15 Tîrmeh 2025.
