Artêşa Îsraîlê îro sibê li Xezayê êrîş kir, di encamê de 33 Filistînî hatin kuştin.
Li gorî çavkaniyên nexweşxaneyan, artêşa Îsraîlê di êrîşên xwe yên sibehê de kon û malên koçberan û kesên li benda alîkariyê bûn, hedef girt.
Artêşa Îsraîlê konek ku koçberên li Kampa Penaberan a Şatî ya li rojavayê bajarê Xezayê lê diman hedef girt, 5 kes hatin kuştin.
Artêşê di êrîşeke hewayî de ku li nêzî Zanîngeha Îslamî ya li bajarê Xezzeyê li konek xist, 4 kes hatin kuştin.
Di êrîşeke hewayî de ku li dijî xaniyek li bajarokê Cibaliya Nezler ê bakurê Îsraîlê bû, 3 kes hatin kuştin û 10 kes birîndar bûn.
Êrîş li ser taxên Zeytun û Sabra berdewam in
Her wiha artêşa Îsraîlê bombebaran û wêrankirina malên sivîlan li taxên Zeytun û Sabra berdewam dike.
Li taxa Sabra ya li başûrê bajêr xaniyek hate bombebarankirin, di encamê de 2 zarok hatin kuştin û yên din jî birîndar bûn.
Artêşa Îsraîlê avahiya bingehîn a li taxa Zeytunê ku koçber lê diman hedef girt.
Di êrîşê de 4 kes ji heman malbatê hatin kuştin û gelekên din jî birîndar bûn.
Piştî bombebarana hewayî ya taxa Zeytunê ji deverên cûda yên Şerîda Xezayê dengê teqînên bilind hat û ewrên dûmanê yên zêde bilind bûn.
Artêşa Îsraîlê ji 11’ê Tebaxê ve li taxa Zeytunê di çarçoveya plana xwe ya ji nû ve dagirkirina Şerîda Xezayê de komkujiyan, koçberkirina bi zorê û hilweşandinê pêk tîne.
Êrîşên li ser kampa penaberan a nuseyratê: 12 kes hatin kuştin
Leşkerên Îsraîlî li bakurê Kampa Penaberan a Nuseyratê li navenda Xezayê kesên li benda alîkariya mirovî bûn gule reşandin.
Di êrîşê de 8 Filistînî hatin kuştin.
Dema ku artêşa Îsraîlê ji helîkopterê apartmanek li kampa penaberan bombebaran kir, Filistîniyek hat kuştin û yên din jî birîndar bûn.
Xaniyek li rojavayê Kampa Nuseyratê hat bombebarankirin, 2 kes hatin kuştin, yek ji wan zarokek bû.
Artêşê xaniyek li kampê hedef girt, Filistîniyek hat kuştin.
Li Xan Yûnisê malek ji hewayê ve hate lêdan, di encamê de jinek û du zarok hatin kuştin.
Konê koçberan a li nêzî Nexweşxaneya Meydanî li herêma Mevasî ya Xan Yûnisê, ji aliyê dronekê ve hate hedefgirtin, di encamê de 12 kes birîndar bûn.
Li Xezayê 500 xebatkarên alîkariya mirovî hatin kuştin
Li aliyê din Wezareta Karên Derve ya Filistînê derbarê kuştina xebatkarên alîkariya mirovî de daxuyaniyek nivîskî weşand.
Li gorî raporên Neteweyên Yekbûyî, ji Cotmeha 2023’yan vir ve zêdetirî 500 xebatkarên alîkaria mirovî li Xezayê hatine kuştin.
