Meclisa Malbatên Şehîdan a kantona Firatê bi daxuyaniyekê şehîdên dibistana Serzorî bi bîr anîn. Di daxuyaniyê de hate diyarkirin ku ew ê şopdarê şehîdên gundê Serzorî bin.
Meclisa Malbatên Şehîdan a kantona Firatê bi boneya 11`emîn a salvegera şehîdên dibistana gundê Serzorî yê rojhilayê Kobanê, daxuyanî da.
Daxuyanî li Pakrewangeha Şehîd Dîcle ji aliyê hevserokê Meclisa Malbatên Şehîdan a kantona Firatê Mihemed Bozî ve bi devkî hat dayîn.
Daxuyanî wiha bû:
“Berxwedana Serzorî ya ku bû bingeh ji berxwedana Kobanê re, wê berxwedaniyê hişt ku Çeteyên DAIŞ`ê têk biçe û berxwedana wan deng veda li Cîhanê. Lehengên berxwedana Serzorî 13 leheng û qehremanan sozên berxwedaniyê dan û di hemberî terora DAIŞ`ê berxwedanî pêk anîn. Şehîdên Berxwedana Serzorî berxwedaniyeke bê hempa dan meşandin û ji dijmin re gotin wê tu carî Kobanê nekeve û bi Kobanê neket û berxwedaneke bê hempa hate meşandin.
Şehîdên me bi berxwedana xwe Çeteyên DAIŞ`ê têk birin û hiştin ku hemû Cîhan terorê nas bike û bi saya Şehîdên me, em gihiştin serkeftinê. Em tu carî wê roja ku destan bi tîpên zêrîn hatin nivîsandin, bi saya berxwedana Serzorî ye. Em şehîdên Serzorî ji bîr nakin, ji ber ku şehîdên me hebûn û nasnameya me ye. Ew in ku ala azadiyê hildan û me hilma azadiyê bêhn kir.
Di 16’ê Îlona 2014’an de şervanên leheng li dijî çeteyên DAÎŞ’ê çalakiya fedaî pêkanîn û DAÎŞ’ê têk birin. Ew roj di dîroka cîhanê de destanek hate nivîsandin. Dersek xurt ji bo çeteyên dagirker hate dayîn. Bi wê çalakiya fedaî ya ku hevrêyên me pêk anî, ew roj bû destpêka rizgarkirina Kobanê û têkçûna çete û dagirkeriya Tirk.
Di salvegera 11`emîn a şehadeta şehîdên gundê Serzorî de dibêjin ku ew ê her tim li hemberî dijmin têkoşîna xwe xurtir bikin. Em soz didin şehîdên xwe ku em ê berxwedî li berxwedana wan derkevin û xewn û xewayên wan pêk bînin. Hergere ku sed sal ji dîrokê derbas bikin, em tu carî wê berxwedana şehîdên Serzorî ji bîr nakin û wê di dij û wêjiyê ne de bimîne ji ber ku bi xwîna wan destan û dîrok hat nivîsandin. Em soza xwe ji bo şehîdên gundê Serzorî nû dikin û bejna xwe li hemberî giyanê wan ditewînin.”
