Serokkomarê Îranê Mesûd Pezeşkiyan di 80’yemîn civata giştî a Neteweyên Yekbûyî de axivî.
Mesûd Pezîşkiyan dibêje ew ne li pey çêkirina bombeya atomî ne.
Her wiha Pezeşkiyan got welatên Ewropa, şûna ku sûcdaran ceza bike yên qurbanî ceza dikin.
Serokkomarê Îranê Mesûd Pezeşkiyan di axaftina xwe de, li Civata Giştî ya Neteweyên Yekbûyî de balkişand li ser armanca çêkirina bombeya atomî.
Mesûd Pezeşkiyan destnîşan kir ku welatê wî li dû çeka atomî nîne.
Pezeşkiyan di axaftina xwe ya li 80’emîn Civata Giştî ya Neteweyên Yekbûyî de got:
“Ez careke din di vê rûniştinê de bi eşkereyî dibêjim ku Îranê qet nexwestiye bombeya atomî çêbike û wê neke jî.”
Pezeşkiyan bi bîr xist ku biryara neçêkirina çekên atomî li Îranê, ser bingeha fetwaya lîderê olî yê Îranê Elî Xameney e.
Her wiha Mesûd Pezeşkiyan got:
“Di demekê de ku Îsraîl aliyê têkdana aştiya herêmê ye, lê mixabin Îran rastî cezayan navdewletî tê.”
Pezeşkiyan: Têkîliyên bi Ewropayê re li gor planê nameşe
Her wiha Pezeşkiyan diyar kir ku pêvajoya xurtkirina têkiliyên bi welatên Ewropî re heta niha wekî ku hatiye plankirin pêş neketiye.
Pezeşkiyan bal kişand ser hewldanên Ewropayê ji bo çalakkirina mekanîzmaya snapback (snepbek) ku rê dide ji nû ve sepandina dorpêçan.
Pezeşkiyan di hevdîtina xwe ya bi Serokê Fînlandiyayê Alexander Stubb (aleksandir sitab) re teqez kir ku ew her gav hewl dide di nav Îranê de hevsengiya siyasî xurt bike û hevkariya bi cîhanê re berfireh bike û got:
“Îran niyeta çêkirina çekên nukleerî tune ye û ji ber vê yekê em girîngiyê nadin şefafiyetê di vê mijarê de.”
Pezeşkiyan teqez kir ku wan ji ber ezmûna binpêkirina sozên Amerîka û Ewropayê, baweriya xwe li welatên Rojava ji dest dane, lê em bawer dikin ku yekane rêya derbaskirina vê nebaweriyê dîplomasî ye.
Her wiha Pezeşkiyan diyar kir ku xurtkirina têkiliyên piralî çareseriya herî guncav e, divê rêxistinên navneteweyî, bi taybetî Neteweyên Yekbûyî, berpirsiyariyên xwe di misogerkirina aştî û aramiyê de bi cih bînin.
