Artêşa Îsraîlê li Xezayê zêdetirî 140 êrişên asmanî kirin.
Her wiha Hemasê dibêje Îsraîl li Şerîa Rojava gelek kesan binçav kir.
Artêşa Îsraîlê ji bo dagirkirina bajarê Xezayê êrîşeke bejahî destpê kir û bombebaranên asmanî yên li herêmê jî zêde kir.
Artêşa Îsraîlê, li hember birçîbûnê û êrîşan, Filistînîyên ku li bajarê Xezayê dimînin bi qetlîaman neçar dike ku ber bi başûrê ve koç bikin.
Tevî van êrîşan, bi sedhezaran Filistînî li bajarê Xezayê dimînin.
Ji bilî bajarê Xezayê, êrîşên Îsraîlê li navend û başûrê Şerîda Xezayê jî berdewam dikin.
Ji aliyê din ve, di daxuyaniyeke nivîskî ya artêşa Îsraîlê de hat ragihandin ku di 24 saetên dawî de zêdetirî 140 êrîşên asmanî li Şerîda Xezayê kirine.
Di êrîşên Îsraîlê yên ji 7ê Cotmeha 2023’yan û vir ve li Şerîda Xezayê hatine kirin de herî kêm 65 hezar û 502 kes hatine kuştin, 167 hezar û 376 kes jî birîndar bûn.
Li Xezayê axaftina netanyahu ya li NY’yê wê bi Filîstiniyan bidin guhdarkirin
Her wiha li gorî nûçeyên di çapemeniya Îsraîlê de hatine weşandin, Ofîsa Serokwezîriyê ji artêşa Îsraîlê xwestiye ku li Şerîda Xezayê hoparlor werin danîn.
Di nûçeyê de hat diyarkirin ku artêşa Îsraîlê û Ofîsa Serokwezîriyê pirsên li ser vê mijarê bersiv nedane, lê axaftina Netanyahuyê li Neteweyên Yekbûyî wê bi hoparloran ku li gelek deveran bên danîn ji Filistînîyên li Xezayê re bê guhdarkirin.
Hat destnîşankirin ku hêzên bejahî yên li Xezayê li deverên dûrî herêmên Filistînîyan lê dijîn hatine bicîhkirin, lê ji bo danîna hoparlaran neçar in nêzî van herêman bibin.
Tê payîn ku Netanyahu îro saet 4 ê piştî nivro li Civîna Giştî ya Neteweyên Yekbûyî biaxive.
Hamas: Binçavkirina Filistînîyan ji aliyê Îsraîlê ve tevliheviya wan nîşan dide
Li aliyê din li gorî daxuyaniya li ser hesabê Telegramê yê Hamasê, rêveberê Hamasê Ebdurrahman Şedîd derbarê binçavkirina gelek Filistînîyan, ji aliyê artêşa Îsraîlê ve li Nablusê daxuyaniyek da.
Ebdurrahman Şedîd got:
“Hêzên dagirker ên Îsraîlê vê sibehê li Nablusê û deverên cuda yên Şerîa Rojava bi giranî û bi awayekî hovane binçavkirinên xwe zêde kirin, ev yek panîk û tevliheviya dagirkeran nîşan dide.”
Şedîd, bi bîrxist ku Îsraîlê gelek kes, di nav wan de rojnamevan, akademîsyen û siyasî binçav kirine, diyar kir ku ev yek polîtîkaya zexta sîstematîk a Îsraîlê ya ji bo şikandina îradeya Filistînîyan û qelskirina avahiya civakî eşkere dike.
Artêşa Îsraîlê, vê sibehê di êrîşeke li bajarê Nablusê û derdora wê de, 22 Filistînî, di nav wan de 2 rojnamevan, binçav kiribûn.
Artêşa Îsraîlê hişyariya êrîşê da rojavayê Xezayê
Berdevkê Artêşa Îsraîlê Avichay Adraee, beriya êrîşê, di peyamekî de li ser platforma medyaya civakî ya X’ê, hişyariya valakirina çend deverên bajarê Xezayê da.
Adraee ragihand ku ew ê êrîşî Bendera Xezayê û avahiyek li taxa Rîmal a rojavayê bajêr bikin û ji Filistîniyan xwest ku herêmê vala bikin.
Berdevkê Artêşa Îsraîlê bang li Filistîniyan kir ku ber bi herêma Mawasî ya li başûrê Şerîda Xezayê ve biçin.
