Hêzên Ukraynayê febrîqeya Stavrolen a Rûsî û depoya cebilxaneyê xistin.
Li gel vê yekê Rûsya jî ragihand ku 22 dronên Ukraynayê ji aliyê pergalên parastina hewayî hatine bêbandorkirin.
Di çarçoveya kêmkirina kapasîteya hilberîna berhemên petrokîmyayî yên ji bo hewcedariyên kompleksa leşkerî-endustriyela Rûsyayê de, yekîneyên Hêzên Parastinê yên Ukraynayê binesaziya Stavrolen xistin.
Li gorî ragihandina Sererkaniya Giştî ya Ukraynayê, tesîs xwedî çerxeke tam a veguherandina hîdrokarbonê ye û polîmeran ji bo hilberîna materyalên kompozît, materyalên îzolekirinê yên ji bo cûrbecûr alavên artêşa Rûsyayê çêdike.
Her wiha, ji bo dronan jî parçeyan çêdike.Li herêma ku hatiye armanckirin gelek teqîn û şewat hatine tomarkirin.
Li gundê Novy Svit ê herêma Donetskê ku bi demkî dagirkirî ye, depoyek cebilxaneyê hate lêxistin û teqîn hatin tomarkirin.
Rûsya: Me li ser herêmên Rûsyayê 22 dronên Ukraynayê bêbandor kirin
Li gel vê yekê Wezareta Parastinê ya Rûsyayê ragihand ku 22 dronên Ukraynayê ji aliyê pergalên parastina hewayî ve li ser herêmên Rûsyayê hatine bêbandorkirin.
Di daxuyaniya wezaretê de hate gotin ku artêşa Ukraynayê êrîşa bi dronan li ser axa Rûsyayê pêk aniye.
Di daxuyaniyê de hate gotin ku ji saet 23.00 heta 07.00 ya şeva borî 22 dron ji aliyê pergalên parastina hewayî ve hatine tunekirin û ev dron li ser Moskowê û herêmên Rostov, Stavropol, Oryol, Bryansk, Tula û Kaluga hatine xistin.
Ji aliyê din ve, Walîtiya Herêma Stavropolê ya Rûsyayê Vladimir Vladimirov di hesabê xwe yê medyaya civakî de parve kir ku ji ber ketina parçeyên dronên lêxistî li herêma pîşesaziyê ya bajarê Budyon-novsk agir derketiye.
Vladimirov bal kişand ku tîmên agirkujiyê li cihê bûyerê xebatên xwe didomînin, di bûyerê de avahî zirar nedîtine û mirî tune ne.
Walîtiya Herêma Oryolê Andrey Klıçkov jî di kanala xwe ya Telegramê de ragihand ku li ser herêmê 4 dron hatine tunekirin û got:
“Ji ber ketina parçeyên dronên lêxistî 4 xanî zirar dîtin.
Rayedarên karûbarên lezgîn û hêzên ewlehiyê li cihê bûyerê xebatên xwe didomînin.”
“Di 10 mehên dawî de di êrîşên bi dronan de 392 kes mirin”
Her wiha Balyoza Wezareta Karên Derve ya Rûsyayê Rodion Miroşnik ji rojnameya İzvestiya ya Rûsyayê re axivî.
Miroşnîk ragihand ku di 10 mehên dawî de di êrîşên bi dronan ên artêşa Ukraynayê de 392 kes mirine, 3 hezar û 205 kes jî birîndar bûne.
Miroşnik diyar kir ku ji destpêka şer ve di êrîşên bi dronan de zêdetirî 7 hezar sivîl jiyana xwe ji dest dane û zêdetirî 17 hezar û 600 sivîl jî birîndar bûne.
