Donald Trump biryar da ku daxwaza penaberiya welatiyên 12 welatan rawestîne.
Her wiha ji bo çûnûhatinê li ser axa Amerîkayê ji welatiyên 7 welatan re hat qedexe kirin.
Trump berê jî gotibû ku ewê tenê kesên çerm sipî ji Afrîqayê ji bo welatên xwe qebûl bike û yên din wê qedexe bike.
Serokê Amerîkayê Donald Trump ragihand ku ew dixwaze koçberiya ji hemû welatên cîhana sêyem bi awayekî daîmî rawestîne û hemû alîkarî ji bo koçberan bike.
Donald Trump dibêje tevî pêşketinên teknolojîk li Amerîkayê, polîtîkayên koçberiyê yên vê dawiyê van destkeftiyan têk dibe û şert û mercên jiyana gelek kesan xirab dike.
Trump teqez kir ku rêveberiya wî dê bi mîlyonan daxwazên neqanûnî yên ku di dema rêveberiya Joe Biden de hatine dayîn betal bike.
Trump got ku rêveberiya wî dê her kesê ku ji bo Amerîkayê nirxa wî ya aborî tune be wê were dersînor kirin.
Her wiha Donald Trump da zanîn ku ew ê hemwelatîbûna koçberên ku îstîqrara navxweyî xera dikin betal bike.
Trump dest nîşan kir ku koçberên ku zirarê didin Amerîkayê dê li wî welatî nemînin.
Hikûmeta Amerîkayê duh ragihand ku piştî gulebarana endamên Garda Neteweyî li Washingtonê, ew ê hemî dosyayên niştecihbûna daîmî (karta kesk) a welatiyên 10 welatan ji nû ve binirxîne.
Rêveberê Xizmetên Hemwelatîbûn û Koçberiyê yên Amerîkayê Joseph Idlow, ragihand ku ew ê nirxandineke berfireh li ser hemû dozên rûniştina daîmî ji nû de bidin dest pê kirin.
Li gorî nota ku Idlow îmze kiriye, nêzîkî 233 hezar penaberên ku di navbera 2021’an û 2025’an de derbasî Amerîkayê bûne jî dihewîne.
Amerîkayê ketina welatiyên 12 welatan ji bo ser axa xwe qedexe kir, di nav wan 12 walatan de Afganistan û Îran rêza yekê de cih digire.
Her wiha qedexeyên seyahetê li ser welatiyên 7 welatên din ku Turkmenîstan û Venezuela jî heye hat ferz kirin.
Rayedarên Amerîkî dibêjin ku welatiyê Afganî yê ku bi kuştina du endamên Garda Neteweyî li Washingtonê tê tawanbarkirin, di sala 2021’an de bi rêya bernameya vegerandinê derbasî Amerîkayê bûye.
Hêjayî bi bîrxistên ye ku Trump di dawiya Cotmehê de sînorê qebûlkirina penaberan ji bo sala 2026’an kêm kir û got ku Amerîka dê di vê heyamê de balê bikişîne ser qebûlkirina kesên spî ji Afrîkaya Başûr.
