Wezîrê karê derve yê Îranê li ser danûsitandinên di navbera Amerîka û Îranê de axivî.
Eraqçî da zanîn ku Îran di van şert û mercan de nikare bi Amerîka re dest bi dan û sitandinan bike.
Wezîrê Derve yê Îranê di hevdîtinekê de bi hevtayê xwe yê Tirk re, balkişand ser hevdîtinên bi Amerîkayê re û diyar kir ji ber polîtîkayên Amerîkayê, hevdîtin ne pêkane.
Abas Eraqçî got ku Îran bi Ewropiyan re jî danûstandinan nake, lê bingehên ji bo destpêkirina diyalogeke bibandor dinirxîne.
Wezîrê Derve yê Îranê Ebas Araqçî, da zanîn ku îhtîmala berdewamiya danûstandinên nukleerî bi Amerîkayê re di şert û mercên heyî ne guncaw e.
Eraqçî behsa serdana xwe ya Parîsê jî kir û got:
“Di wê hevdîtinê de li ser nakokiya bernameya nukleerî bi Fransiyan re hatiye axaftin.”
Her wiha Abas Eraqçî anî ziman ku ji ber polîtîkayên ku Amerîka dimeşîne, danûstandin niha ne mimkûn in.
Eraqçî teqez kir ku Îran pirsgirêkên wekhev bi Ewropiyan re jî hene.
Heman demê Abas Eraqçî got:
“Me salan bi 3 welatên Ewropî re danûstandin meşand lê encamên bi bandor nehatin bi dest xistin.”
Lê belê, Eraqçî derfeta danûstandina bi Ewropayê re “bi qîmet” bi nav kir.
Abas Eraqçî destnîşan kir ku danûstandinên di navbera her du aliyan de dê berdewam bikin.
Barrot: Em ji bo bernameya nukleerî ya Îranê bi fikar in
Wezîrê karê derve yê Fransa Jean-Noel Barrot fikarên welatê xwe û hevalbendên wê derbarê bernameya nukleerî ya Îranê de anî ziman û daxwaz ji Îranê kir ku bi rêzgirtina tevahî ji bo pabendbûnên xwe vegere ser maseya danûstandinan.
Her wiha Barot bang li Îranê kir ku bêyî derengketinê hevkariya xwe ya tevahî bi Ajansa Navneteweyî ya Enerjiya Atomî re ji nû ve dest pê bike.
Welatên rojava Îranê bi çêkirina çekên nukleerî tawanbar dikin
Barrot daxwaza peymaneke bihêz û mayînde bi Îranê re kiribû da ku bi awayekî daîmî garantî bide ku Îran dê çekên Nukleerî çêneke.
Tehran di bin zexta hêzên rojavayî de ye da ku rê bide mufetîşên Ajansa Enerjiya Atomî ya Navneteweyî ku bikevin tesîsên wê yên nukleerî.
Welatên rojavayî Îranê bi wê yekê tawanbar dikin ku dixwaze çekên nukleerî bi dest bixe, lê Tehran bi berdewamî vê îdiayê red dike.
Ev pevçûn, bi salan e berdewam dike û heta niha hewldanên navneteweyî ji bo çareserkirina wê bi ser neketine.
