Li Sûdanê beriya demekî agirbest hatibû ragihandin, lê dîsa jî artêş û hêzên pîştgiriya lezgîn êrişên xwe domandin.
Fermandarê artêşê dibêje heta hezên piştgiriya lezgîn ji holê neyê rakirin ew ê ti çareseriyê qebûl nekin.
Heman awayî başûrê Kordofanê şer dewam dike, artêşê li hin herêman kontrola xwe winda dike.
Serokê Encûmena Serweriya Sûdanê û Fermandarê Artêşê Orgeneral Abdulfettah el-Burhan عبدالفتاح البرهان derbarê rewşa dawî li Sûdanê de daxuyaniyek da.
Orgeneral Burhan di merasîma bîranîna endamên Artêşa Rizgariya Sûdanê de axivî û got:
“Şer, bi taybetî li bajarê Faşîr ê Darfûrê , xwîna gelê Sûdanê dirijîne û ji me re tenê yek vebijark hiştiye, ew jî jinavbirina HDK’ê ye.
Em tu çareseriyekê ku tê de Hêzên Piştgiriya Lezgîn neyê jinavbirin û çekên wê neyên standin qebûl nakin.”
Divê em ji Hêzên Piştgiriya Lezgîn tola xwe hilînin, endamên HDK’ê layiqî jiyanê li Sûdanê nînin”.
Orgeneral Burhan diyar kir ku wî helwesta xwe ji hin nûnerên navneteweyî yên serdana Sûdanê kirine re ragihandiye.
HDK: Artêşa Sudanê agirbesta mirovî binpê dikin
Ji aliyê din ve, Hêzên Piştgiriya Lezgîn ragihand ku ew karîbûn baregeha Lîwaya 22’yemîn a Piyade bigire û kontrola bajarê Babnûsa yê li eyaleta Kordofana Rojava bi temamî bi dest bixe.
Di daxuyaniya HDK’ê ya duh de careke din pabendbûna bi “agirbesta mirovî” ya ragihandî hate destnîşankirin.
Lê hate îdiakirin ku artêş û komên hevalbendên wê, vê yekê ji bo “dubare êrîşkirina li ser hin bajarok û gundên Kordofana Bakur û Rojava” bikar tînin.
Di daxuyaniyê de bang li welatên “Çar-aliya Navneteweyî” û rêxistinên herêmî û navneteweyî hate kirin ku van êrîşan şermezar bikin.
Babnûsa, ku bi qasî 700 kîlometre dûrî paytext Xartûmê ye, yek ji navendên herî mezin ên rêhesinê ye ku eyaletên rojava, navîn û bakur bi hev ve girê dide.
Şerê li bajarê Babnûsa ya Sudanê
Ji aliyê din ve, piştî pevçûnên bi hêzên Tevgera Rizgariya Gel a Sûdanê ya şaxê Bakur a bi serokatiya Abdülaziz el-Hilu عبد العزيز الحلو re, artêşa Sûdanê ber bi çend bajarokên eyaleta Kordofana Başûr ve pêşve çû.
Lê li rojavayê herêmê li derdora baregeha artêşê ya li Babnûsa şerên giran ji nû ve dest pê kirin.
Heya niha artêşê daxuyaniyeke fermî nedaye, lê platformên nêzîkî artêşê roja Yekşemê vîdyoyek belav kirin.
Ev pêşveçûna nû çend saet piştî êrîşa hewayî ya bi dronan a artêşê li ser bajarê Kauda كوادا pêk hat.
Di vê êrîşê de zêdetirî 46 kes hatin kuştin û bi dehan kes birîndar bûn.
Kordofana başûr şerên giran ji nû ve dest pê kirin
Piştî ku Tevgera Rizgariya Gel a Sûdanê ya şaxê Bakur bi HDK’ê û komên din ên leşkerî yên di Ittifaqa Damezrîner a Sûdanê de hêzên xwe kirin yek.
Bi vî awayî di van çend mehên dawîn de li beşeke mezin a eyaleta Kordofana Başûr şerên giran ji nû ve dest pê kirin.
Hêzên Ittifaqa Damezrîner bi awayekî bi bandor kontrola hemû deverên derdora bajarên Kordofana Başûr dikin.
Her wiha kontrolên tund li ser bazirganiyê didin û rêyên çûnûhatinê û xetên ikmalê yên artêşa Sûdanê û komên çekdar ên hevalbendên wê yên li paytexta herêmî Kadugli كادوكلي di bin dorpêçê de qut dikin.
