Parlamentera DEM Partiyê ya Erzîromê Meral Daniş Beştaş behsa karên komîsyonê li meclisê kir.
Her wiha Meral Daniş Beştaş dibêje, mafê hêviyê divê bê naskirin, Qanûna Têkoşîna li dijî Terorê bê rakirin an jî tengkirin.
Meral Daniş Beştaş anî ziman ku di qonaxa duyemîn a pêvajoyê de divê êdî gavên şênber bêne avêtin û guhertinên qanûnî bêne kirin.
Parlamentera Erzîromê ya DEM Partiyê û Hevberdevka HDK’ê Meral Daniş Beştaş behsa kar komîsyonê li meclisê kir.
Meral Daniş Beştaş ragihand ku karên komîsyonê yên li meclîsê têne meşandin êdî derbasî qonaxa duyemîn bûye.
Meral Daniş Beştaş: Pêwîste qanûnên aştiyê bêne derxistin
Meral Daniş Beştaş diyar kir ku di civîna komîsyonê de wê raproa hevdîtina li Îmraliyê, pêşniyarên partiyan bêne nirxandin û divê qanûnên aştiyê bêne derxistin û got:
Çavkaniya pirsgirêkê ew e ku Kurd bi Destûra Bingehîn a 1924’an re bi temamî ji zemîna hiqûqî hatin dûrxistin, Kurd dikin nakin nikarin ji deriyê hiqûqê derbas bibin.
Daxuyaniyên devkî, gotinên ji bo başiyê têne kirin, lê belê dema zemîna qanûnî nebe ev hemû kêm dimînin.
Daxuyaniyên îro têkildarî Birêz Ocalan têne kirin, hemû işaretê bi vê yekê dikin.
Divê qanûnên aştî û azadiyê bêne derxistin. Ev yek jî ji aliyê xurtkirina zemîna hiqûqî girîng e.
Meral Daniş Beştaş: Biryara fesihkirinê divê bi rengekî fermî bê naskirin
Meral Daniş Beştaş di dewama axaftina xwe de wiha anî ziman:
Dawiya dawî PKK’ê ragihand ku xwe fesix kiriye û biryarên kongreyê eşkere kir.
Divê Tirkiye vê fesikirinê nas bike. Divê bi fermî bibêje êdî PKK ‘rêxistineke terorê’ nîne.
Dema bi vî rengî bû, hingî ev qanûn divê ji bo her kesî derbasdar bibe. Amadekariyek me ji vî alî ve jî heye.
Meral Daniş Beştaş: Mafê hêviyê divê li ser zemîneke qanûnî bê rûniştandin
Meral destnîşan destnîşan kir ku mafê hêviyê divê bê naskirin, Qanûna Têkoşîna li dijî Terorê bê rakirin an jî tengkirin û got:
Di mijara mafê hêviyê de hîn sererastkirineke qanûnî nîne.
Biryareke Dadgeha Mafên Mirovan a Ewropayê heye.
Pêşniyara me ew e ku pêşî li mafê hêviyê bê vekirin.
Li aliyê din divê Qanûna Têkoşîna li dijî Terorê bê rakirin yan jî li ser hin xalên wê kar bêne kirin.
Meral Daniş Beştaş: Em êdî di qonaxa duyemîn de ne divê gavên şênber bêne avêtin
Meral Daniş Beştaş ragihand ku ji bo qonaxa duyemîn a pêvajoyê pêwîstî bi gavên şênber, sererastkirinên qanûnî heye û wiha bi dawî kir:
Divê dem neyê dirêjkirin, qanûnên azadiyê li meclîsê bêne qebûlkirin.
Di mijara gavên şênber de rexneyên me hîn derbasdar in. Ji aliyê zemîna rêxistinî ve gelek gav hatin avêtin, Birêz Ocalan jî gelek gav avêt.
Ji 27’ê Sibatê û vir ve gelek gavên şênber hatin avêtin. Lê belê divê desthilatdarî jî vê şênber bike, bixe meriyetê.
