Li Konferansa Aştî û Civaka Demokratîk ya Navnetewî ku li Stenbolê di roja 2’mîn de pêk hat, peyamên girîng hatin dayîn.
Parlamenterê berê yê Hindistanê diyar kir rêgezên Ocalan dê ji bo hemû cîhanê aştiyê bîne.
Prof. Norman Paech jî got, “Ji bo diyalogeke rasteqîn û demokratîkbûnê divê Ocalan azad bibe.”
Xelatgira Nobelê Şirîn Ebadî jî diyar kir azadiya Rêber Apo şertê bingehîn yê pêvajoyê ye û divê azad bibe.
Di roja 2’emîn de, li Konferansa Aştî û Civaka Demokratîk ya Navneteweyî ya li bajarê Stenbolê yê Tirkiyê peyamên girîng hatin dayîn.
“Ez îlhamê ji paradîgmaya Abdullah Ocalan digirim”
Parlamenterê berê yê Hindistanê Anael Prasad Hegde li ser girîngiya pêvajoyê axivî û diyar kir dema wî ewil Rêber Apo ku Mandelayê Rojhilata Navîn e bihîst eleqeyeke wî ji bo Rêber Apo çêbû û got:
Têkildarî paradîgmaya wî min çendek nivîs xwendin. Ez derheqê Ocalan de çiqas bixwînim, ewqas zêdetir îlhamê digirim.
Ji ber ku behsa neteweyeke bêyî dewletê dike û li gorî min ji bo hemû cîhanê ev çareseriya mayinde ye.”
Anael Hegde: rêgezên Ocalan dê aştiyê bînin cîhanê
Hegde diyar kir bi beşdarbûna konferansê ew gelek kêfxweş e û îşaret bi peyama Rêber Apo ya ku di konferansê de hate xwendin kir û got,
“Rêgezên Ocalan wê ji bo hemû dinyayê aştiyê bîne.”
“Em ê peyamên Ocalan bi cîhanê re parve bikin û ji bo aştiyê bixebitin”
Dawiyê Hegde diyar kir divê di demên pêşde di navbera Rêber Apo û hikûmetê de zêdetir hevdîtin bên kirin û dibêje,
” Em ê peyama Ocalan bi cîhanê re parve bikin û ji bo aştiyê bixebitin.”
Norman Paech: Têgeha neteweya demokratîk ya Ocalan civakeke siyasî vedibêje
Prof. Norman Paech jî ku li Konferansê axivî bal kişande li ser paradîgmaya Rêber Apo.
Paech anî ziman ku têgeha neteweya demokratîk a Rêber Apo civakeke siyasî vedibêje û got,
Ji aliyê nasnameyên cuda yên pîvanên demografîk ên hevpar diyar dikin, hatiye pênasekirin.
Mafê diyarkirina çarenûsa xwe ji bo gelê Kurd pîvana bingehîn a ji bo ewlekirin û parastina nasname û hebûna gel e. Ev maf têgeheke hiqûqî ya mecbûrî ye.
Divê mafên nasname, hebûna Kurdan û hindekahiyên çandî û etnîkî yên kollektîf bên parastin.
“ji bo diyalogeke rasteqîn û demokratîkbûnê divê ocalan azad bibe”
Paech destnîşan kir ku fikir û pêşniyarên Rêber Apo ên ji bo demokratîkbûna Tirkiyê reh berdane nava civakê û dibêje,
Ji bo diyalogeke rasteqîn û demokratîkbûnê divê Ocalan ji girtîgeha girava Îmraliyê ku di nava tecrîdeke li derveyî mirovahiyê de ye derkeve.
Şirîn Ebadî: Azadiya Ocalan şertê bingehîn yê pêvajoyê ye
Xelatgira Aştiyê ya Nobelê Şirîn Ebadî jî bi dîmen peyamek ji konferansê re şand.
Şirîn Ebadî bal kişande li ser Pêvajoya Aştî û Civaka Demokratîk ku Rêber Apo daye destpêkirin û wiha got,
“Hêvîdar im ku Abdullah Ocalan yê ku ev guherîna mezin da destpêkirin, di dema herî kurt de li nava piştevanên xwe vegere, muzakereyên dîplomatîk bimeşîne û rêya ber bi demokrasiyê hîn hêsan bike.
Başbûna rewşa Kurdên li Tirkiyê wê bandoreke erênî li mercên Kurdên li Îranê jî bike.
Ji bo azadiya Abdullah Ocalan ez careke din bang dikim. Eger ji bo serxistina armancê çek li aliyekî hatiye danîn û qala rêyeke cuda tê kirin, wê demê azadiya Abdullah Ocalan û serketina muzakereyên yekser ên navbera herdu aliyan mercên bingehîn ên vê pêvajoyê ne.
