Artêşa Îsraîlê navendeke perwerde yê girêdayî Hizbullahê hedef girt.
Artêşê dibêje navend ji bo operasyona li dijî Îsraîlê dihat bikaranîn.
Aliyê din jî li Lubnanê hîna jî bê çekkirina Hizbullahê dewam dike.
Artêşa Îsraîlê ragihand di êrîşeke nû de navendeke perwerde û tetbîqatên leşkerî ya girêdayî yekîneya Radwan a Hizbullahê kiriye hedef.
Di vê êrîşê de, avahiyên leşkerî yên girêdayî rêxistinê li çend deverên başûrê Lubnanê û baregeheke avêtina mûşekan jî hatin lêdan.
Her wiha hat îdîa kirin, Hizbullah navenda perwerdeyê ya Yekîneya Radwan ji bo plankirin û pêkanîna operasyonan li dijî hêzên artêşa Îsraîlê û welatiyên Îsraîlê bikar tîne.
Di daxuyaniyê de hat gotin ku perwerde û çalakiyên leşkerî yên li van navendan, ji bo amadekariya çalakiyek li dijî Îsraîlê, binpêkirina lihevkirina di navbera Îsraîl û Lubnanê de ye.
“Îsraîl hewil dide Hizbullahê bê çek bike”
Berî ku daxuyaniya artêşa Îsraîlê were weşandin, medyaya Lubnanî ragihand ku pêlek nû ya êrîşên Îsraîlê li herêmên başûrê welêt dest pê kiriye.
Îsraîl dibêje ku ew êrîşan ji bo bêçekkirina Hizbullahê pêk dînin.
Di heman demê de Sekreterê Giştî yê Hizbullahê Neîm Qasim careke din bêçekkirina komê red kir û di vî warî de hişyarî da hikûmeta Lubnanê.
Qasim got:
“Ma hûn dixwazin me îqna bikin ku mesele tenê standina çekan e û dû re rewşa Lubnanê çareser dibe? Ne wisa ye, ji ber ku projeya dijmin ji tiştê ku hin alî dibêjin pir çodaye.”
Berrî ji xameneyî daxwaz kir ku Hizbullah çekên xwe deyne
Serokê Parlamentoya Lubnanê Nebîh Berrî ji Elî Xameneyî xwest ku fetwayekê derxîne da ku Hizbullah neçar bike ku çekên xwe radestî artêşa Lubnanê bike.
Wezîrê Derve yê Lubnanê Yûsif Racî îdia kir ku biryara dawî ya li ser danîna çekên Hizbullah di destê Îranê de ye.
Racî da zanîn ku wî bi fermî ev mijar bi hevtayê xwe yê Îranî Ebas Eraqçî re li kêleka civînên herêmî anî ziman.
Yûsif Racî got ku Hizbullah hewl dide bi kirîna demê û ji nû ve avakirina hêz û pozîsyona xwe vegerîne wek berê.
Recî dest nîşan kir, her çend zextên Amerîka û Îsraîlê yên li ser Beyrûtê hebin jî bêçekkirina Hizbullah daxwazek serekeye ji bo hemû Lubnaniyane.
